هەورامان

07:36 - 18/1/2020

زانکۆو هەڵەبجەی چڵاکیارە

زانکۆو هەڵەبجەی چڵاکیارە

دماوئانەی نامێ زانکۆ هەڵەبجەی، دماو گردو زانکۆکاوە بێ جەئیسەنە کەمپینێشا پەی وەڵێ وستەی پلێ زانستیێ زانکۆکەیشا وەڵاکەردەنۆ، سەرۆکو زانکۆی هۆکارەکەیش پەی کەمیی کەسە ئەکادیمیەکا گێڵنۆوە.

چن ڕوێ چێوەڵی وەزارەتو وانای باڵاو حکومەتو هەرێمو كوردەسانی ڕیزبەنڎیێش بەنامێ نیشتمانیوە پەی زانکۆکاو هەرێم و کوردەسانی وەڵاکەردۆ، زانكۆو هه‌ڵه‌بجه‌ی دمای دماوەبێ، ئینەیچ سه‌رۆكایه‌تی زانكۆی و خەڵکە ڕۆشنویرو ئەکادیمیەکەیش بێتاقەت کەرد، پەوچی ویرێشا چەنەیە کەردەنۆ زانکۆکەیشا وەڵێ وزا هەنگامەی یەکەمەیچشانە کەمپینێشا دروسکەردەن پەی ئامەسەلێ.

مهاباد کامیلە سەرۆکەو زانکۆو هەڵەبجەی وەڵاش کەردەنۆ: بەهۆکارو بڕێ کێشە تەکنیکیاوە زانکۆو هەڵەبجەی کەوتەن دمادمایی زانکۆکاوە، وەبەهۆکارو ئی کەمپینەیۆ حەولێ مڎەیمێ هەنگام بە هەنگام کێشەکەی چارەسەرکەرمێ و پەی ساڵێتەری زانکۆو هەڵەبجەی وزمێ وەڵێ زانکۆکا تەرو کوردەسانی.

کەمپینەکە یەرێ حەفتێ وەخت بەرۆ گردو چینەکاو کۆمەڵگەی بەشداریش چەنەکەرا و هاژتاگێش پەی منیارە.

پەیلوایو تۆ؟
Loading...
پەیلوای

هیچ پەیلوایە نەنریانەرە.

فرەتەرین...