کوردستان

10:12 - 30/1/2020

گەنجێوە کورد سوپاو تورکیای جیامازۆو مێ پەی دلێ گەریلای

گەنجێوە کورد سوپاو تورکیای جیامازۆو مێ پەی دلێ گەریلای

 

 

زاگرۆس بۆتان، سەروازێوە سوپاو تورکیای بێ، وەختێ چێرو کاریگەریی فەرماندێوە گەریلاینە وێش ئشناسا، سوپاش جیا ئاستەو و ڕووەش کەردە کەشەکاو کوردەسانی.

زاگرۆس بۆتان، چێروکاریگەریی قسەکاو فەرماندە ڕەشید سەردار-ینە بڕیارو وێشدان، دلێ سوپاو تورکیایۆ ڕەمۆ و ڕووە کەرۆ کەشەکاو کوردەسانی و ئیە بیەن بە گەریلا.

زاگرۆس بۆتان، وەختێ سەروازو سوپاو تورکی بێ جەشارو ساکاریاو تورکیای، جە تەلەفیزوێنۆگۆش جە قسەکاو فەرماندەو گەریلای ڕەشید سەرداری گێرۆ، فەرماندەکە ماچۆ" مشۆم گەنجێ کوردی بلاوە وێشارە، هەتا کەی خزمەتو دەوڵەتو تورکای کەرا، جەوەختێنە کوشاشاو دلێشانەبەرا، هەتا کەی سەروازیشا پەی کەردێ؟، با بەیا چەنی ئێمەبا، پاڵێ سەروازی فڕەبڎاو پاڵێ ئێمەکەرانە، ئێمە کوردێنمێ و سەروازیی پەی وێما کەرمێ" ئا قسێ کاریگەریشا سەرش بیەن و سوپاش جیا ئاستێنە، کە بەناچاری سەروازیش کەردەن.

ڕەنگە یۆ جەهۆکارەکا قسەکێ فەرماندە گەریلاکەی بیبا، ئاسەروازە وێش خەڵکو بۆتابیەن و دلێ خێزانێ کورد پەروەرینە گەورە بیەن ئانەیچ وێش هۆکارێوەتەربیەن، زاگرۆس ماچۆ، ئانزان ئەگەر وڵاتپارێزیچ نەبۆک، وەرو سوکایەتیی دلێ سوپێ، گێڵۆوە سەرو ڕای ڕاسێ، " ئانزان زیاتەر سەرنجەش گنۆ سەرو وێش، مێژووش، گەل و خاکو وێش، من و هامڕاکەیم بەنامێ ڕووبارێ لوایمێ شرناخ و جەڕاو بڕێ جە هەڤاڵەکاوە وێما یاونا گەریلای".

ڕووبارە هامڕێ زاگرۆسینە خەڵکو مێردینی بێ، جە ساڵەو ٢٠١٤ جە وەختوهێرشو داعشینە پەی سەرو کۆبانێ ڕووەش کەردێنە کۆبانێ و چاگە شەهیدەبیێنە، جەبارەو ڕووبارێوە زاگرۆس ماچۆ" چکۆنە ستەم، ئەشکەنجە و بێ مافیی وەرانوەرو گەلەکەیماوە کریێ، ئاڎە چاگەبێ، کۆبانێ دمامەنزڵگەش بێ".

زاگرۆس و ڕووبارە وەختێ یاوا کەشەکا، بەگەرمی خێرامایشا کەراو، ئینەیچ دڵوەششا کەرۆ.

زاگرۆس، وەختێ چیرۆکەکێش پەی ئاژانسو هەواڵو فوراتی گێڵنۆوە، پێسە وێش ماچۆ" ئیسە وێش بەخزمەتکارو میللەتەکەیش زانۆو، داوا چاگەنجایچە کەرۆ تائارۆ سەروازی پەی سوپاو تورکیای کەرا گێڵاوە سەرو ڕێ ڕاسێ و خزمەتو گەلەکەیشا کەرا.

پەیلوایو تۆ؟
Loading...
پەیلوای

هیچ پەیلوایە نەنریانەرە.

فرەتەرین...