ئابووری

05:24 - 20/1/2020

دیسان بەغا گەرەکشاشاییستە دارایەکاو هەرێمی بڕۆوە

دیسان بەغا گەرەکشاشاییستە دارایەکاو هەرێمی بڕۆوە


محەمەد كەریم پەرلەمانتارو هاوپەیمانی فەتحی ماچۆ: بەرهەمئاردەی نەوتەو هەرێمی پەی ٦٠٠ هەزار بەرمیلا بەرزەبیێنۆ، جەوەختێنە لیژنەو دەستپاكی ئەنجوومەنو نوێنەرا دەستش بەجوڵەكەردەن پەی مردنای خەرجکەردەی شایستە داراییەكاو هەرێمی وەروئانەی هەولێر ئامادە نییا نەوتەكێش بڎۆ دەسو بەغای .

كەریم جە گفتوگۆیێوەشنە ئانەیچ ماچۆ: سەرەڕاو ئانەی حكومەتو هەرێمی وەڵتەر وەڵاشکەردەبێ، جەئەوەڵو ساڵێ تازێوە ڕووانە ٢٥٠ هەزار بەرمیلێ نەوتە بڎۆ دەسو بەغای، بەڵام هەڵای پابەندو ئانەی نەبیەن و هیچ برە نەوتێوەشا نەکیانێنە پەی بەغای، ئینەیچ وەختێنە ئامان کیانای نەوتەو هەرێمی ڕووانە پەی٦٠٠ هەزار بەرملێ بەرزەبیێنۆ.

ئا پەرلەمانتارە و هاوپەیمانی فەتحی ئاماژەش پەی ئانەی کەردەن كە لیژنەو دەستپاكی ئەنجوومەنو نوێنەرا دەستش بەجوڵەكەردەن تا ئاوەختە هەرێم نەوتەكێش بڎۆبەغای شایستە داراییەكاو هەرێمو كوردەسانی بڕۆ .

حەفتەی وەڵین، لیژنەو دەستپاكی ئەنجوومەنو نوێنەرا بەفەرمی داواش جە وەزارەتو دارایی فیدراڵی كەردە پانەی هیچ برە زەڕێوە تەر ڕووانەو هەرێمو كوردستانی نەکریۆ تا ئا وەختە هەرێم ئا برە نەوتێ بڎۆ بەغای كە ڕێكکەوتەیش سەرکریان .

 

پەیلوایو تۆ؟
Loading...
پەیلوای

هیچ پەیلوایە نەنریانەرە.