فەرهەنگ و هونەر

10:17 - 30/1/2020

ـــــــــــــــــــــــــــجام ـــــــــــــــــــــــــــــ

ـــــــــــــــــــــــــــجام ـــــــــــــــــــــــــــــ

 

ڕوێشا کابرایێوە، پاچ و بێڵ هۆرگێرۆ و ملۆ زەمین کاڵایۆ. کوتوپڕ لتەجامێوە دلێ زەمینەکەیشنە گنۆوە بەر. تەماشەش کەرۆ، وینۆ پیایێوەش ئینا چەنە. ماچۆ ئۆۆۆی یانەی وێرانم، ئینە تاتەما چێگە مەردەن. منیۆش باخەڵەش و چەنی وێش بەرۆشۆ پەی یانەی. وزۆش دلێ یەخدانی و دلێ جلەکاشنە شارۆشۆ.
گردوو ڕۆکاو خودای ملۆ تەماشەش کەرۆ و تێر چەنیش قسێ کەرۆ و پەیش گرەوۆ. دماو ماوێوە، ژەنەکێش خانەگومانە گنۆ و پەنەش زانۆ.
ماچۆ داخۆ ئی شوومە چی گردوو ڕوەکاو خودای ملۆ ئی یەخدانی واز کەرۆ و دەس کەرۆ قسەکەردەی؟
وەختێ پیاکەش ملۆ بەر، ملۆ تەماشەش کەرۆ. مدیۆ ژەنێوەش چەنەنە!
ئۆۆۆۆۆ، ماچۆ ئەی نامەرد، ژەنیش ئاردێنە. پەوکای دزی منۆ مێ ئێگە و قسێ کەرۆ و ...

دەنگ مەکەرۆ تا شوەکەش بەیوە. شووەکەش مەیوە و دەس کەرۆ قسەواتەی پەنەش و خاس گژیا.
ماچۆ: تۆ چی سەروو منەرە ژەنیت ئاردێنە؟
ئادیچ ماچۆ، ژەنی چیشی، ژەنەکێ؟
ماچۆ بەلێ وەڵڵا، ئەها دلێ سندۆقەکەینە، گردوو ڕوەکاو خودای ملی تەماشەش و چەنیش قسێ کەری و .... . بە چەماو وێم دیێنەم!
پیاکە ماچۆ: کورە ژەنی چێشی؟ وەڵڵا ئانە تاتەما، دلێ زەمینەکەیمانە ئاردەنمۆ.
ماچۆ، نا، بۆ بلم نیشانەت دەو.
ژەنەکێ تەماشەش کەرۆ و ماچۆ:
ئا دەی، ئا، بێ ویژدان، ئانە ئەگەر ژەنی نیەنە، ئەی چێشەنە؟
پیاکە تەماشەش کەرۆ و ماچۆ: ئا دەی، ئاااا، وەڵڵا تاتەما، ئانە کەی ژەنینە؟
چاگە بۆ جەنگشا، قێڕە و هاوارشا یاوۆ کوڵانە و گردوو خەڵکوو دەگای پەنەشا زانۆ.
مەڵڵایوە کۆڵانەکێشاوە گوزەر کەرۆ. قێڕە و هاوار مژنەوۆ، بەرەو حەوشەکەیشا کەرۆوە و ملۆ سەر.
تەقە مدۆ و مزیارە و ماچا: فەرماوە مامۆسا؟ چێشا؟
مامۆسا ماچۆ ئی هەرا و مەزادتا چێشا؟ گردوو دەگای پەنە زانایدێ. سەروو چێشی شەڕتانە.
ژەنەکێ ماچۆ: کورە مامۆسا گیان، ئی بێ ویژدانە ژەنیش ئاردێنە سەروو منەرە. نەزانانم.
شووەکەیچش ماچۆ: مامۆسا، وەڵڵا ژەنیم ناردێنە، تاتەما، دلێ زەمینەکەیمانە مەردەن، ئاردەنمۆ.
ژەنەکێ مدیۆ جامەکەی و ماچۆ: دەی ئا مامۆسا، ئانە ژەنی نیەنە؟
پیاکەیچ تەماشەش کەرۆ و ماچۆ : ئا مامۆسا، دەی ئانە تاتەم نیا؟
مامۆسا ماچۆ دا بدەیدێش من بزانوو...
وەختێ تەماشەش کەرۆ، ماچۆ:
ئۆۆۆۆ، خۆ ئینە مامۆسان، مشۆ بەرووش پەی مزگی......( شارۆ)

 

پەیلوایو تۆ؟
Loading...
پەیلوای

هیچ پەیلوایە نەنریانەرە.