ڕاپۆرت

09:02 - 12/2/2020

فرەیی مادەهۆشبەرەکا بە ترۆمبێلو حکومی واڕیاوە پەی کوردەسانی

فرەیی مادەهۆشبەرەکا بە ترۆمبێلو حکومی واڕیاوە پەی کوردەسانی

 


حكومەتو هەرێمو كوردەسانی، چن ڕاو شۆنێوەش گێرتێنێ وەر پەی ئانەی وەختێ دەوامی فەرمی دماییش ئاما هیچ کەس و فەرمانبەرێوە ترۆمبیلو حکومەتی بەکارنارۆ، پەی ئانەیچە وەزارەت و (ناوخۆی) فۆڕمێوە تایبەت پا شۆفێرا کە گەرەکشانە دماو دەوامی ترۆمبێلی حکومی بەکاربارا ئامادەکەردەن، پەرلەمانتارێوەیچ ماچۆ، فرەیی مادە هۆشبەرەكا بە ترۆمبێلی حكومی مێ هەرێمو كوردسانی چونكە چا وەختەنە دماو دەوامی بەکارشا مارا جە هیچ بازگێوەنە مەمردناشا.

سامی جەلال ڕاوەبەرو گردی دیوانو وەزارەتو ناوخۆ و هەرێمی پەی میدیاکاش وەڵاکەردەنۆ، بڕیامادان ئا فەرمانگێ دماو دەوامی و دمانیمەڕوان هەرمانە پەی وەزارەتی کەرا نوسراوێوە ڕاپەنەدایشا پەی کریۆ.

بەشێوە چا تڕۆمبیلایچە جە وەختی ویەردەنە پەی هەرمانێ شەخسیێ بەكارئێنێ، پەوچی حكومەت و كابینەی تازە بڕیارشدابێ كە بەهیچ شێوێوە دماو دەوامی ڕا مەدریۆ بە بەكارئاردەی ئۆتۆمبێلی حكومی و پەی ئانەیچ تابلۆیێوە دریا ئۆتۆمبیلە حكومییەكا.

جەبارەو تەرسەو بەكارئاردەی ئا ئۆتۆمبیلاوە یاسین خدر پەرلەمانتارو لیژنەو ئاسایش و ناوخۆو پەرلەمانو كوردسانی، واتەنش" بەكارئاردەی ئۆتۆمبیلی حكومی دماو دەوامی فرتوفێڵش چەنە کریۆ.

ئانەیچش واتەن: ئاگادارێنمێ فرەیی ئا مادە هۆشبەرا جە بازگەكاوە ماراش هەرێمو كوردستانی جە ڕاو ئۆتۆمبیلی حكومیوەمێ.

یاسین ئاماژەش پەی ئانەیچ کەردەن، كە ئا ئۆتۆمبیلێ جە بازگەکانە مەمردا و بەشێ چا ئۆتۆمبیلا كە مادە هۆشبەرەكا مارا، سەر بە وەزارەتو پێشمەرگەینێ.

پەیلوایو تۆ؟
Loading...
پەیلوای

هیچ پەیلوایە نەنریانەرە.