تەندروستی

01:56 - 2/2/2020

هەڵای دێرنیا پەی وازئاردەی جە جگەرە کێشتەی

هەڵای دێرنیا پەی وازئاردەی جە جگەرە کێشتەی

 

پەیجوریێوە تازەنە سەرو شۆشەو یۆ جە جگەرەکێشەکاوە کریان پزیشکەکێ سەرەشا جە ئەنجامەکاش سڕمەنەن.

پەیجوریێوە تازە کە سەرو دۆخوشۆشەو کەسێوە جگەرەکێشی دماو ئانەی وازش جەجگەرەی ئاردەن،  ئاژانسو AFP  و BBC وەڵاشا کەردەنۆ بەرکەوتەن، 9 جە 10 خانەو شۆشەو جگەرەکێشێوە، دماو وازئاردەیش جە جگەرە کێشتەی، بەجۆرێ تەندروستێ باوە و وێشا ڕێکوزاوە.

پیتەر کامبڵ، پەیجۆریکارێوەن جە پەیمانگاو پزیشکیی Sanger ماچۆ، سەرەما سڕمەنەن چانەی چەنی خانەکێ و ڕاڕەوەکێ هەواو شۆشێ بەشێوێوە جادووگەرانە سارێژێ با و بەشێوەشا وەشێ باوە.

ماچۆ، ئەگەر کەسێوە پەی ماوەو دەیان ساڵی، 15 هەزار پاکەتێ جگەرێش کێشتێبا، هەڵای شۆشەکێش تواناو ئانەیش مەنۆ، بەجۆرێوە، دماو چن ساڵێوە جە وازئاردەی، کەسەکە شۆنەوارو جگەرەکێشتەی بەشێوێوە فرە سەرو شۆشێشۆ مەوینیۆ.

بەگوێرەو پەیجوریەکەی پەنج کەسێ پەی شش کەسێ کە جگەرەکێشێ بیێنێ، 20% پەی 50% خانەو شۆشەکاشا بەجۆرێوە وەشێباوە کە هامشێوەو کەسێوەن کە هەرگیز جگەرەش نەکێشتەبۆ. ئینەیچ پاسەکەرۆ واچمێ، هەرگیز پەی وازئاردەی جە جگەرە کێشتەی دێرنیا.

داتاکێ رێکوزیای تەندروستی جەهانیی بەرشاوستەن، ساڵانە هەشت ملوێن کەسێ جە جەهانەنە بەهۆکاروجگەرەکێشتەیۆ گیان جەدەس مڎا، 80%و جگەرەکێشەکایچ کە ژمارەشا یەک ملیار و 100 ملیۆن کەسێن، جە ناوچە هەژارنشینەکا یان مام ناوەندیەکانە ژیوا.

پەیلوایو تۆ؟
Loading...
پەیلوای

هیچ پەیلوایە نەنریانەرە.