جیهان

01:09 - 12/2/2020

١٠و ئی مانگێ فرەتەرین نەوەشێ بە ڤایرۆسو کرۆنای مەردێنێ

۱۰و ئی مانگێ فرەتەرین نەوەشێ بە ڤایرۆسو کرۆنای مەردێنێ

هەورامی

ڕاوەبەراوته‌ندروسی چینی ڕۆ 10و فێبریوەری به‌وەختو واشنگتۆنی وەڵاشکەردۆ كه‌ جە گردڕوێ زیاتەر توشبیەکێ بەڤایرۆسو کرۆنای مەردێنێ، به‌جۆرێ وەختو 24 کاتژمێراو ویەردەینە 108 كه‌سێ مەردێنێ ته‌نیا جه‌شارو وۆهانینە پینیشایچۆ ژماره‌و قوربانیەکا بی به‌ 1016 كه‌سێ.

هەرچابارۆ واشنگتۆن پۆست نویستەنش ژماره‌و تووشبیەکا یاوان 42 هه‌زار و 729 كه‌سێ چا ژماره‌یچە 6 هه‌زارێشا دۆخشا خراپا، جەوەختێنە ڕۆ 9 فێبریوه‌ری 40 هه‌زارێ و 171 كه‌سێ بیەن و قوربانیەکێ جه‌ ڕۆ 10و فێبریوه‌رینە 1013 كه‌سێ.

جیاوازی بەینو ژماره‌و قوربانیەکا به‌پاو ڕۆنامەو واشنگتۆن پۆستی و وەڵاکەردەیۆکەو ڕاوەبەراو ته‌ندروسی چینی ته‌نیا وەختو 3 کاتژمێرانە یەرێ کەسێ مەردێنێ.
وەرپەرسێوە ته‌ندروسی ئه‌مریكیچ وەڵاشکەردەنۆ كه‌ هیچ هاموەڵاتیێوەشا جه‌ كه‌رتو هێبی نه‌مه‌نەن و گردشا گێڵنێنێوە پەی ئه‌مریكای، دلێ ئا 167 فه‌رمانبه‌راو وه‌زاره‌تو کاروبارو بەرو ئه‌مریكاینە كه‌ به‌ فرۆكێوە حه‌فته‌ی وەڵین گێڵێنێ په‌ی ئه‌مریكای، هاموەڵاتیێ ورگیرو ڤایرۆسه‌كه‌ی بیەن و یاونانشا نه‌وەشخانێوە نزیكو میرامارو فه‌یله‌قو پیاده‌و ده‌ریایی جه‌ سان دیگۆ.
كه‌ ئانەیچ بی بە 13هه‌مین هاموەڵاتی ئه‌مریكی تووشبیە جه‌ ئه‌مریكانە و حه‌وته‌مین جه‌ ویلایه‌تو كالیفۆرنیای.

ڕۆ 10و فێبریوه‌ری، شین جین بینگ سه‌رۆكو چینی به‌شێوێوە ئاشكرا جەراو شاشەیۆ جە خەسەخانێوە په‌كین-یوه‌ به‌ده‌مامك و به‌رگی پزشكییوەبه‌شداری كۆبیەیۆ نه‌وەشخانەو شارووۆهان-یش كەرد.

سه‌رۆكو چینی سه‌ردایێوە مه‌یڎانی چن شۆنێوەش كەرد ئاڎیچ دماو ئانەی رووبه‌روو ره‌خنه‌ی بیه‌نۆكه‌ بڕیانەرە چانەی كە تاوۆ كۆنترۆڵو نهوەشیەکەی کەرۆ دمایین بەرکەوتەیچش حەفته‌ی وەڵین بێ چەنی سه‌رۆك وه‌زیرانو كه‌مبۆدیای.

پەیلوایو تۆ؟
Loading...
پەیلوای

هیچ پەیلوایە نەنریانەرە.