ژه‌نی

01:53 - 2/2/2020

کناچێوە وەختو خەتەنەکەردەینە مەردە

کناچێوە وەختو خەتەنەکەردەینە مەردە

 

جەوەختو خەتەنە کەردەینە بە نەشتەرگەریێوە نایاسیی، جەپارێزگاو ئەسیوتو میسری کناچێوە گیانش جەدەسدا
بەگوێرەو ئاژانسە عەرەبیەکا ئارۆوەڵاشا کەردەنۆ، جە پارێزگاو ئەسیوتو میسری کناچێوە ۱٤ساڵە وەختو خەتەنەکەرووەینە مەردێنە.

ئاکناچێ کەنامێش"ندا" نە خەڵکو دەگاو 'حەواکتە' جە پارێزگاو ئەسیوەتی بیێنە، پزیشکێوە پسپۆڕو بوارو ژەنا جە خەسەخانەنە نەشتەرگەریی خەتەنەیش پەی کەردێنە و بەهۆکارو شۆکو عەسەبەیۆ وەختو نەشتەرگەرییەکەینە گیان جەدەس مڎۆ.

دماو ڕووداوەکەی و تۆمارکەردەی سکاڵێ جە ڕێکخراوو پارێزنای زاوڵا، جە لایەنو ئەرەنیشتاودەگێکێوە کە جە ڕووداوەکەی تووڕێ بیێنێ، دەزگاو دادی میسری دماو ورگێرتەی ڕاپۆرتو پزیشکی دادی، فەرمانەو گێرتەی پەی تاتەو کناچەکێ و پزیشکەکەی بەرکریێنە.

د. مایا مورسی سەرۆکەو ئەنجومەنو نیشتمانی ژەناو میسری جە وەڵاکەردێوەنە داواشکەردێنە پەی ئاکەسا ئی تاوانشاکەردەن دژوو ئا زاوڵێ، تنتەرین سزا دریا.

یاگێ گلکەنیشانین، خەتەنە جە یاساو میسرینە چی ساڵە دماینانە قەدەغە کریێنە، ئانێ پی هەرمانێ ورئێستێێ سزا دریا، بەڵام سەرەڕاو ئانەیچ هەڵای بەپاو سونەتی ئی کارە بەڕاو نایاسایی کریۆ.

خەتەنەکەردەی کناچە وچکلا تا ئیسەیچ چن وڵاتێوە موسڵمانانە پەیڕەوکریۆ، جە هەرێمو کوردەسانیچنە بەشێوەکەم جە خێزانەکانە تا ئیسەیچ خەتەنەو کناچا کەرا، ئینێچ دماو هۆشداریدای دەیان پزیشک و ڕێکوزیایەکاو مافەکاو ژەنا و زاوڵا جە جەهانەنە، کە ئی خەتەنەکەردەیە هەرمانێ خراپەنەو کاریگەریی نەرێنیش هەن، تایاوۆ مەردەی.

پەیلوایو تۆ؟
Loading...
پەیلوای

هیچ پەیلوایە نەنریانەرە.