هەورامان

02:58 - 23/3/2020

قائیمقامەو هەڵەبجەی: پێویست کەرۆ پەی ڕاگیری جە کۆرۆنای ڕاوشۆنی تنتەر گێرمێ وەر

قائیمقامەو هەڵەبجەی: پێویست کەرۆ پەی ڕاگیری جە کۆرۆنای ڕاوشۆنی تنتەر گێرمێ وەر

هەورامان نیوز
قائیمقامەو هەڵەبجەی، وەڵاشکەردۆ، ئەگەر پێویست کەرۆ ڕاوشۆنەکا پەی ڕاگیری کەردەی جەوەڵابیەیۆ کرۆنای تنتەر کەرمێ، داواجە خەڵکی کەرۆ بە قسێ ناڕاسێ باوەڕ نەکەرا، سەرۆكو ژوورو بازرگانی هەڵەبجەی ماچۆ: پێویستی و واردەی پەی ڕووانەو هاموەڵاتیا جە كۆگاكانە فرەن و پێویست بە دڵەڕاوکێ مەکەرۆ.

دماو ئەنجامدای جەمیەیۆ چەنی كاسبكاراو دلێ بازاڕو شارو هەڵەبجەی جەبیناو پارێزگاو شارەكەینە، ئارۆ هەریۆ جەقائیمقامو هەڵەبجەی و سەرۆكو ژوورو بازرگانی هەڵەبجەی جەكۆنگرێوە ڕۆنامەوانینە، ناوەرۆکو جەمبیەیۆکەیشا وست ڕووە.

نوخشە ناسیح، قائیمقامو ناوەندی هەڵەبجەی، جە كۆنگرەكەنە وەڵاشکەردۆ "ئا شوێنە گردیێ دلێ شارو هەڵەبجەینە كریێنێ، جەلایەن و پارێزگاو هەڵەبجەیۆ بەپاو پێویستی هامکارێشا بیمێ پێویستا ئاڎیچێ زیاتەر پابەندێ ڕانماییەكاو ئێمە و وەزارەتو کاروبارو ناوخۆ و تەندروستی با، چونكە ڕەنگە ڕاوشۆنەکا فرە تنتەر کەرمێوە جەپێناوو پارێزنای زیاتەری هاموەڵاتیا".

قائیمقامو هەڵەبجەی واتیچش: "بەداخەوە شەوەی ویەردێ دەنگۆو ئانەیە بێ ئەزمەو بەنزینی هەن جەسنورو پارێزگاو هەڵەبجەینە، ئێمە ملمێ شۆنەو ئانەیرە پەی ئانەی بزانمێ كێ‌ ئا دەنگۆیێشە دروسکەردێنێ، هیچ ئەزمێوە بەنزینی نیا پێویستا هاموەڵاتێ گوێش جەئیدارەو شارەكەی گێرانەك جە قسێ کەسیتەری".

لاو وێچشۆ پێشەوا ئەحمەد، سەرۆكو ژوورو بازرگانی و پیشەسازی هەڵەبجەی جەكۆنگرەكەنەواتش: "هاموەڵاتیا دڵنیاکەرمێ، پێسە بازرگاناو هەرێمی جە زاخۆوە تا هەڵەبجە، واردەو و پێداویسی پێویست جەكۆگاو هەرێمینە هەن، پێویست بە دڵەڕاوكێ‌ مەکەرۆ قەیرانی دەستكرد پەی وێشا دروس نەکەرا، چەمەڕایی ئانەی بیدێ حكومەتو هەرێمی بە ڕاوشۆنەكاو وێش تاوۆ چەنی ئا دۆخەیە گوزەرنۆ"\

03:11 - 23/3/2020 تازە کریانۆ

پەیلوایو تۆ؟
Loading...
پەیلوای

هیچ پەیلوایە نەنریانەرە.

فرەتەرین...