هەورامان

01:56 - 28/4/2020

ئارۆی سنوورو تەوێڵێ شۆشمێ کریۆوە

ئارۆی سنوورو تەوێڵێ شۆشمێ کریۆوە

هەورامان‌نیوز: ئارۆ یەرەشەمە نۆو گوڵانی سنووری بازرگانیو تەوێڵێ شۆشمێ بەڕووەو خەڵکی و بازرگاناوە کریۆوە. بە واتەو بەڕێوەبرایەتی گومرکو هەرێمو کوردستانی سەرساحبوو ئارۆ یەرەشەمە نۆو گوڵانی سنووری بازرگانی شۆشمێ پەی واڕوگۆڕی بازرگانی بەینو هەرێمو کوردستانی و ئێرانی کریۆوە. بەپاو هەواڵەکا، دمای دوێ مانگی بینیای سنوورەکەی بەڕووەو بازرگاناو هەردوە دیمو کوردستانی جە ناوچەو هەورامانی بە هۆکارو وەڵابیەی پاو کۆرۆنای، جە ئارۆوە سنوورەکە کریۆوە و بە وەرچەمگێرتەی سەرجەم ڕانموونی و پڕۆتۆکۆڵە تەندروستییەکا، واڕوگۆڕی بازرگانی دەست‌پەنە کەروە.
سنوورو شۆشمێ یۆ جە دەربازە بازرگانییەکاو بەینو هەرێمو کوردستانی و ئێرانیا و نەخشێوی سەرەکیش هەن پەی ئەوەژیوای ئابووری و بازرگانی هەرێمو کوردستانی و بەتایبەت دوەدیمو  ناوچەو هەورامانی.
 چندین ساڵێن داواکاریو خەڵکو دوەدیمەکەی پەی ئەوەکەردەی دەربازەکەی جە بوارو گەشتیاری و ئاماولوای مسافیری هڵای نەیاوان ئنجام و حەر ئارۆ و سەوایش پەنە کریۆ.

پەیلوایو تۆ؟
Loading...
پەیلوای

هیچ پەیلوایە نەنریانەرە.