جیهان

02:27 - 28/3/2020

سەرۆکو ئەمریکای پەناش پەی چینی بەرده

سەرۆکو ئەمریکای پەناش پەی چینی بەرده

هەورامان نیوز

سه‌رۆكو ئه‌مریكای، ئارۆ قسێش چەنی سەرۆکو چینی کەردێنە و رێکێکەوتێنێ سەروئانەی پێوەهەرمانەکەرا پەی دلێنەبەردەی کرۆنای. سه‌رۆكو چینیچ واتەن: ئامادێنمێ چەنی گرد لایێوە هەرمانەکەرمێ پەی ڕوو بەڕووبیەیۆ کرۆنای.

دۆناڵد تره‌مپ سه‌رۆكو ئه‌مریكای، کوچێ وەڵێ ئیسەینە جە هه‌ژماری تایبه‌تی وێشنە جە تۆڕەو كۆمه‌ڵایه‌تی تویته‌رینە وەڵاشکەردەنۆ، كه‌ جەڕاو په‌یوه‌ندیی ته‌له‌فونییوه‌، گفتوگۆیێوە عالما چەنی شی جینپینگی سەرۆکو چینی کەردەن بەدورودرێژی قسێشا جە بارەو ڤایرۆسو کۆرۆنایۆ كەردێنە، كه‌ گردو دنیێش گێرتەنۆ.

دۆناڵد تره‌مپ ئاماژه‌ش پانەیچە دان كه‌ چین هەنگامێ عالەش جە روبەروبیەیۆ ڤایرۆسەکەینە و یاواینە عالش هەن، پەوچی بڕیارشادان پێوە هەرمانە کەرا پەی روبەروبیەیۆ ئا پەتێ.

شی جینپینگی سەرۆکو چینی وەڵامو تویته‌كه‌و دۆناڵد تره‌مپش دانۆ و وەڵاشکەردەنۆ، ئاڎێ کریێوە و شەفافێ بیێنێ جەبارەو ئا پەتێوە.

هه‌رپاسە ئانەیچش واتەن "ئێمه‌ ئامادێنمێ چەنی گرد لایێ هەرمانە کەرمێ پەی روبەروبیەیۆ ئا په‌تێ".

وە سەرۆکو چینی ئاماژەش پانەیچ کەردەن، پەی روبەروبیەیۆ کۆرۆنای ئامادێنێ چەنی ئەمریکایچ هەرمانە کەرا وهامکارێ با.

جە ئیسەنە، چین بە مردنای و پارێزنای ژمارەو توشبیەکاش جە دەوروبەرو 81 هەزارانە بیەن دووەم وڵات جە جەهانەنە و ئەمریکا بەزیاڎ بیەی ژمارەو تووشبیەکاش پەی زیاتەر جە85 هەزارا پلێ یەکەمەش گێرتێنە.

پەیلوایو تۆ؟
Loading...
پەیلوای

هیچ پەیلوایە نەنریانەرە.