کوردستان

01:38 - 15/5/2020

تورکیا زاڕۆڵێ عەفرینی و ئەدلیبی کیانۆ پەی شەڕو لیبیای

تورکیا زاڕۆڵێ عەفرینی و ئەدلیبی کیانۆ پەی شەڕو لیبیای

هەورامان‌نیوز:

حکومەتو تۆرکیای زاڕۆڵێ وارو تەمەن 18 ساڵو عەفرینی و ئەدلیبی پەی جەنگو لیبیای کیانۆ. ئەوین جومعە، سەرۆکەوکۆمیسیۆنو مافەکاو مرۆڤو کانتۆنو جەزیرەی بە ئیشارە بە ڕاپۆرتو دیەدەبانو مافەکاو مرۆڤو سووریای، سەبارەت بە کیاستەی زاڕۆڵە چێرو تەمەن 18 ساڵو عەفرینی و ئەدلیبی جە لاو تورکیایەو پەی لیبی واتش:" ئا هەوڵێ کە تورکیا جە لیبیانە بەهۆو گرووپە چەکدارەکاشەو خەریکا، جینایەتی جەنگی دژو مرۆڤایەتی‌یا. دیوانو سزادایو ناونەتەوەیی پێسە ئۆرگانی وەرپرس چا بارەو تەکیدش کەردەن بەکارگێرتەی زاڕۆڵا چێر تەمەن 18 ساڵی پێسە هێزی نیزامی و چەکداری، جینایەتی جەنگی‌یا و ئی پرسێ پێسە جەنایەتی جەنگی تاووتوو کەرۆ. فرێو جە زاڕۆڵا بە ناسنامەی دەسکرد پێسە هێزی چەکداری سوودشا چەنە گیریۆ".
🔹جومعە، درێژەو باسەکاشەنە واتش، دەوڵەتو تۆرکی خەریکو ماڕای ماددەو 8و ڕێککەوتنامەو ڕۆمایا. بەکارگێرتەی زاڕۆڵا پێسە هێزی سەربازی، چە بە زۆر و چ بە وەساڵە، تاوانا و تۆرکیا زاڕۆڵێ سووریای کیانۆ پەی شەڕو لیبیای و مشۆ هەوڵی ناودەوڵەتی پەی سزاداو تۆرکیای ئەنجام دریۆ.

 

پەیلوایو تۆ؟
Loading...
پەیلوای

هیچ پەیلوایە نەنریانەرە.