ئابووری

01:44 - 21/5/2020

حوکمەت دەرماڵە و موچەوەرا بڕۆ

حوکمەت دەرماڵە و موچەوەرا بڕۆ


#هەورامان نیوز
بڕیارا پەی موچه‌و مانگەکاو دماتەری حكومه‌تو هه‌رێمو كوردەسانی ده‌رماڵه‌و موچەوەرا ڕێکوزۆوە، بەشێوەیچ جە ده‌رماڵه‌كا بڕۆ.
به‌گوێره‌و ئا زانیارییا کە جە میدیاکاوە دزەشا کەردەن، پەی مووچه‌و مانگێ تەری كه‌ چانەی مشۆ دلێڕاسەو مانگەو ششیوە بەشکریۆ، حكومه‌ت به‌ سیستەمێ تازە موچه‌ بەشکەرۆ و ده‌سكاریی ده‌رماڵه‌و موچەوەرا کەرۆ.
سه‌رچەمەکە"، به‌شێوە جه‌ ده‌رماڵه‌كا بڕیا و بەهانێ بڕیەیچشا ئانێنە، كه‌ ده‌رماڵه‌كێ پاڵپەشتی یاساییشا نیا، هاموەخت به‌شێوە تەریچ  چا ده‌رماڵا ڕێكوزۆوە، جه‌ختیچش سەرو ئانەیە کەردەنۆ، حكومه‌ت تا ده‌رماڵه‌كا ڕێكنه‌وزۆوە مەزانۆ كه‌ی تاوۆ موچه‌و مانگێ تەری بەشکەرۆ، چونكه‌ ئه‌گه‌ر هه‌رێم و به‌غایچ یاوا ڕێككه‌وتەی، ئانە به‌غا ئاخرو ئۆخرو مانگەو ششی بەشو هه‌رێمی جه‌ بودجه‌و عێراقی کیانۆ
جەلایێوە تەریچۆ محه‌مه‌د سەعدەدین، بڕیاردەرو لیژنەو دارایی و كاروبارو ئابووری جە پەرلەمانو كوردەسانینە ئانەش پەشتڕاسكەردۆ كه‌ جه‌ هه‌فته‌كاو دماتەرینە حكومه‌ت ڕێکوستەیۆ جه‌ ده‌رماڵه‌و موچەوەرانە کەرۆ و به‌شێوەشا بڕیۆ و به‌شێوە تەریچشا ڕێکوزۆوە به‌ڵام ماچۆ "هەڵای حكومەت مەزانۆچنە زەڕش پەی گێڵۆوە".

پەیلوایو تۆ؟
Loading...
پەیلوای

هیچ پەیلوایە نەنریانەرە.