کوردستان

04:01 - 14/5/2020

حوکمەت 820 ملیار دینارێ قەرز ورگێرۆوە

حوکمەت 820 ملیار دینارێ قەرز ورگێرۆوە

هەورامان ـ نیوز
بڕیاردەرو لیژنەو یاسایی پەرلەمانو کوردەسانی وەڵاشکەردۆ، وەزارەتو دارایی حکومەتو هەرێمو کوردەسانی دەسشکەردەن بە ورگێرتەیۆ 820 ملیار دینارێ قەرز جە 50 کەسایەتی و کۆمپانیاکا.
جەلال محەممەد، بڕیاردەرو لیژنەو یاسایی پەرلەمانو کوردەسانی بە میدیاکاش واتەن " جەوەخت و لوای شۆنەو قەرزو کۆمپانیاکارە جە حکومەتو هەرێمو کوردەسانی، پەیما بەرکەوتەن وەزارەتو دارایی و ئابووریی هەرێمو کوردەسانی، بە پەشت بەستەی بە دووێ یاسایا، دەسشکەردەن بە راوشۆنو ورگێرتەیۆ 820 ملیار دینارێ قەرز جە 50 کەسایەتیێ و کۆمپانیایا. ئا بڕە زەڕەیچ کەرۆ مووچەو مانگێوە فەرمانبەراو هەرێمو کوردەسانی".
بڕیاردەرو لیژنەو یاسایی پەرلەمانو کوردەسانی ئاماژەش پانەیچ کەردەن "ئا هەرمانێ پاڵپەشت بە هەردووی یاساو ژمارە 43و ساڵەو1971و تۆمارو خانووبەرەی و یاساو ژمارە 56و ساڵەو1977 ملۆڕاوە. ماددەکاو 8 و 10و یاساو 56، دەسەڵات مڎا وەزیرو دارایی کە دەس سەرو موڵک و ماڵو قەرزارەکارە گێرۆ، ئانەیچ ئەوپەڕو راوشۆنی دەسپەنەکریان".
جەلال محەممەد واتەنیچش" چێرو رۆشنایی ئا دووە یاسایانە، وەزارەتو دارایی بڕیارشدا سەرجەم موڵکه رەهنەکاو کۆمپانیا قەرزارەکا ورەشۆ جە هەرێمو کوردەسانینە جەڕاو فەرمانگەکاو خانوبەرەیۆ؛ وە زەڕی واڕیاوە و نەواڕیاوە دەسش گیریۆ سەرەرە قەرزدارەکێ گیریا تا ئاوەختە قەرزەکاشا مڎاوە".

04:49 - 14/5/2020 تازە کریانۆ

پەیلوایو تۆ؟
Loading...
پەیلوای

هیچ پەیلوایە نەنریانەرە.