شێعرێ

04:07 - 14/5/2020

شێعرە پەی زاڕوڵا

شێعرە پەی زاڕوڵا

ڕۆڵەی نازارم هەورامان ماوا
گۆش دەر بزانە،تۆچێشت یاوا
دمای ئەسڵ وفەرع،ئەرکانیش مانۆ
زانا ئا کەسەن،چەرمەێش مەوانۆ
جەدنیای ئارۆ،قەڵەم سەردارەن
وەنەی ودانایی،وەرچەم دیارەن
بەزۆانی شیرین،ئەڐای ڕەنجەڕۆ
بوانەو بنویسە،هۆرمژە شەوبۆ
حەێفەن هەورامان،گنۆ پەراوێز
جەدەس بەربشۆ،نەمانۆنەش هێز
ئی خاکە خاکی،دلێرو داڵەن
پەڕجە ئەفسانەو ڕازەو،قەواڵەن
هەزارحەکایەت کریان بەزمی وەش
بەسیاچەمانە،چنارکەردەن گەش
یا بە شێخانە،هانە خرۆشان
لیلی پەی چەپڵێش ڕەنگامە پۆشان
شاهۆ سیروانیش غەزەڵی هۆنیار
هەناروهەنگوور،تۆبیەنت قوتار،!
کڵاشووفەرەنجی،شاڵ هەجیجیانە
دەسکارووتۆبێ،کەوت دەس بێگانە
ئیسە هۆرێزە ،نەجا مە نیشە
تۆپشتیوانت خوڐان جە ڕیشە
ڕاو وێت گێرە وەر،شیرین زۆانەن
بنویسە،بووانە،مەجنوون ئاسانەن!
✍سەباح شیانی سنە

پەیلوایو تۆ؟
Loading...
پەیلوای

هیچ پەیلوایە نەنریانەرە.