ڕاپۆرت

11:19 - 17/4/2020

پارتی و یەکیەتی دماو سی ساڵا باسو دووە ئیدارەیی کەرا

پارتی و یەکیەتی دماو سی ساڵا باسو دووە ئیدارەیی کەرا


#هەورامان نیوز
پەرلەمانتارێوە پارتی داوا کەرۆ وەنەپەرسایۆ یاسایی چەنی بانگەشەكەراو دووە ئیدارەیی کریۆ
ئی وێرەگا هەینی پەرلەمانتارێوە پارتی وەڵاشکەردۆ كە دووە ئیدارەیی خیانەتا، داوایچش كەردە ئانێ بانگەشە پەی دووە ئیدارەیی کەرا، وەنەپەرسایۆشا چەنی کریۆ.
ئارۆ هەینی ڕێكەوت زەكی ئەندامو ئەنجوومەنو پارێزگاو سلێمانی وەڵاشکەردۆ بە نیازێنێ داواو كۆبیەیۆ ئەنجوومەنو پارێزگای کەرا پەی بابەتو لامەركەزیەتو سلێمانی،  واتەبێش دووە ئیدارەیی خیانەت نیا، جە لایێوە تەریچۆ راهی ره‌هبه‌ر ئه‌ندامو فراكسیۆنو یه‌كێتی جه ‌په‌رله‌مانو كوردەسانینە داواش كەردە پەی ئانەی قه‌واره‌و هه‌رێمو كوردەسانی مەنۆوە، مشۆم دووە پایته‌ختی و دووە ئیداریبۆ.
چی بارۆ لیزا فەلەكەدین ئەندامەو فراكسیۆنو پارتی جە پەرلەمانو كوردەسانینە وەڵاشکەردەنۆ كە خەڵکانێوە کە بە دەنگو میللەتی و چێرو سێبەرەو حکوومەتو هەرێمینە پێگە و پایەشا ورگێرتەن، ئانە کولتوورو خیانەتی و خاکورەتەی چەنی ونێشا گێڵۆ، بە ئاشکرا باس جە هەوڵ و هیمەتیشا کەرا پەی جابەجا کەردەی دووەئیدارەیی و خەریکا یاخیێ با جە حکوومەتێوە کە بەشدارێنێ چەنەش.
وە ماچۆ "دەنگدەر دەنگش بە شمە نەڎان، تا هەوڵێ واڕای جوگرافیاو هەرێمی دەیدێ، هاموەڵاتی پا ئومێڎەوە متمانەش بە شمە دان کە وەنەپەرسایۆ چا نادادپەروەریە کۆمەڵایەتی و سیاسی و ئابووری و ئەمنییا کەردێ کە ڕوانە جە سنوورو پارێزگاکەیتانە رووەمڎۆ. ئا حەزەو شمە پەی دووە ئیدارەیی نەک تەنیا خیانەتا، بەڵکو ماڕای قەسەمی یاسایین ئا پلێتا کە ئارۆ پەی دووەبەرەکی بەکارش ماردێ. شمە قەسەمتا بە خودای گەورەی واردێنە کە پارێزگاری جە یەکێتیی هەرێمو کوردەسان _ عێراقی و سڵامەتی خاکەکەیش کەردێ و چەمداری بەرژەوەندییەکاو گەلی کەردێ و پابەندێ بیدێ بە دەستور و یاسا هەرمان پەنەکریایەکاو هەرێمی و بە دڵسۆزی و راستگۆیی و دەسپاکی بێ لایەنیوە هەرمانەو وێتا کەردێ".
لیزا فەلەکەدین کاکەیی جە دمادمایینە ماچۆ بە پاو ماددەو ۳٦ جە یاساو ژمارە دووێ ساڵەو ۲٠۱۹ی یاساو پارێزگاکاو هەرێمو کوردەسان _ عێراقی، کە ماچۆ ئەنجوومەنەکێ گنا چێرو چەمداری پەرلەمانی، پێسە ئەندام پەرلەمانێوە داواش جە ئەنجوومەنو پارێزگاو سلێمانی كەردە هەر بەپاو ئی یاسێ، دەس بە وەنەپەرسایۆ کریۆ چەنی ئا ئەندامەیشا کە داواو کۆبیەیۆ ئەنجوومەنی کەرۆ پەی دووەئیدارەیی، چونکە هەر بە گوێرەو برگەو دووەمی ماددەو ششەمی هەمان یاسێ، ئەندام پەیش نییا پایەو فەرمانەکێش خراب بەکار بارۆ.

پەیلوایو تۆ؟
Loading...
پەیلوای

هیچ پەیلوایە نەنریانەرە.