تەندروستی

09:01 - 5/4/2020

چن ڕایێوە پەی ڕزگاربیەی جە سەرئێشەی

چن ڕایێوە پەی ڕزگاربیەی جە سەرئێشەی


#هەورامان ـ نیوز
یەكەم: ئاوی گەرمە، بەكارئاردەی ئاوی گەرمێ جە وەختو بیەی سەرئێشەینە، بۆ بە مایێ ئیسراحەتو مەژگی و خاوبیەیۆ ماسوولكەكاو سەرەی و كەمبیەیۆ فشاری، ئانەیچ بە بەكارئاردەی كیسێوە پلاستیكی جە ئاوێ گەرمێ یان وێ شتەی بە ئاوی گەرمە، مردایرە چێرو دوشو حمامینەو پەی ماوەو 10 پەی 15 خولەكا، چی وەختەنە خولیایۆ ونێ خاستەربۆ، پی جۆرە سەرئێشەکە كەم بۆوە بەتایبەتی سەرئێشێوە درێژ خایەن.
دووەم: بەکار ئاردەی وەزا، جیاتی ئادەرمانا كە پەی کەمکەردەیۆ ئێشو سەرەی بەکارمەیا وەزی بە خاستەرین چارەسەر نریۆرە، چونكە وەزی مادێوەش چەنەن كە پەنەش وچیۆ سالیسین كە یاردەی كەمكەردەیۆ سەرئێشەی مڎا جە وەختێ کوڵنە.
یەرەم: لیمۆ، فرە كاریگەرا و پێكهاتێوە بەهێزا تا مامەڵە چەنی سەرئێشەی کەرۆ. ئاڎیچ بە تێكەڵ کەردەی ئاوەو لیمۆی چەنی پەرداخێوە ئاوێ گەرمێ بۆ هۆکارو كەمكەردەیۆ سەرئێشەی، ئی چارەسەرە سروشتییە بە گرنگ نریۆرە جە وەختێوەنە كە سەرئێشە بەهۆکارو گازو گەدەیۆ دروس بۆ. راو بەكارئاردەی لیمۆی ئانێنە كە سوود جە تۆکڵو لیمۆی ورگیریۆ، پەی كەمكەردەیۆ سەئێشەی توکڵو لیمۆی ساوی پاشۆنێرە کە ئێشش هەن بۆ بەهۆکارو كەمکەردەیۆ ئێش. واردەیۆ چایی لیمۆی بە شێوێوە ڕووانە، چوار جارێ جە ڕوێنە بۆ هۆکارو نەمەنەی سەرئێشەی.
چوارەم: كەم واردەی چوکۆلاتەی، چوكلاتە بڕێوە دیاریکریا كافاینش چەنەن كە فرەو كەسانە بۆ هۆکارو دروست بیەی سەرئێشەی چی حاڵەتەنە مشۆم جە واردەی چوكلاتەی دوورێ گناوە.
پەنجەم: باوی، باوی بە چارەسەرو سەرئێشەی نریۆرە تەنیا جە وەختو 10 تا 15 خولەكانە، ژمارێوە كەمو باوی هەمیشە بەدیلێوە سروشتی بەسوودا پەی كەمکەردەیۆئێشی و تاونایۆ چەربی بەڎەنی.
ششەم: بیبەری سوور،  بە هاندەرێ دووەمو هۆرمۆنی ئەندرۆفین نریۆرە بیبەری سوور یاردەی كەمكەردەیۆ سەرئێشەی مڎۆ، وە پەی چارەسەری خراپتەرین جۆرو سەرئێشەی بەكارمێ و تاوی پێسەكرێمی پەی هێوربیەیۆ دەمارەكا سوودش چەنە ورگیریۆ.
حەوتەم: دارچینی، جۆرە گژوگیواوێوەن بە شێوێوە كاریگەر پەی چارەسەركەردەی سەرئێشەی بەكارمێ. ئی چارەسەرەیچ پێویستش بە هاڕیاوەو دارچینی چەنی چن دڵۆپێوە ئاوێ بۆ تا پێسەگیریاوێوە تنیش پەنەمێ، دماتەر دریۆ دلێچەما، تا 30 خولەكێ یان زیاتەر، دماو ئاوەختی دلێ چەما بەئاوی شلەتێنە شۆردێ جە وەختێ كوڵنە هەست بە نەمەنەی سەر ئێشەی کەری. ئی چارەسەرە پەی وەختێ پێویستا كە سەرئێشە بەهۆکارو هەوای سەردیوە دروست بیەبۆ.

پەیلوایو تۆ؟
Loading...
پەیلوای

هیچ پەیلوایە نەنریانەرە.