فەرهەنگ و هونەر

02:54 - 14/4/2020

ڕازە،

ڕازە،

پیاکە ماچوو یانەو ئێمە فرە خەڵوەتەن
نمەزانوو پەێچێش زاڕوەکا چەنەما نمەپەرسا؟
وەاڵڵە ژەنەکێ تا دنیا دنیا بیەن حەر پێسە ویاریان،ئیسە چێش بێ کەوتی ویروو زاڕوەکا؟
بخوا پیاکە فرە بێ تاقەتشانەنا
هێزی شەوی وەرمم دی بە حەمەگیانیوە دلی وەرمەکەێنە داواو نانیم چەنە کەرێ!
دەێ خۆ ژەنەکێ ئا وەرمە خاسەن قەدیمیا واتەن ئانە ئیمانت پەنە بەخشان؟!
ههههههه دەی خوا شوکر،
بەگیانوو وێت وەشحاڵت کەردا
ئاخر فرە تەرسانی کە وەرمەکەم مانای تەرش بۆ،
دەی خاسە لابەرە ئی قسانە ئەگەر مەتاوی چاییە پوونەی دەم کەرە فرە سەرەم مێشۆ!
باشەن باسۆپاکێ سکەڵ وزۆ
بنیاڐەم تا مەی قسەێوە کەرۆ فیل فەور قسەکێ مەپاڕۆ!
ئای دنیا ئای
حەفت کوڕی وپەنج کناچێو بانی وەلێم
تەنیایی یانە گنیرە !
جاران یانەما ئاوانی وپەڕ دەنگوو هەرا بێ،
ژەنەکێ؟
چێشەن؟
دەی چاییە پوونەکە چێش بی!
حەر چەنی وێت وڕاوی کەری؟
بخوا پیاکە ماچی یەک شەوە ئامانی دنیارە!
هەمیشە عەجوول پێشی،
ئانە خەریکەن سەروو سکەڵەکەێوە دەم مەکێشۆ،
ئانە ئیسە مارووش،
سەباح شیانی سنە،

پەیلوایو تۆ؟
Loading...
پەیلوای

هیچ پەیلوایە نەنریانەرە.