هەورامان

12:43 - 1/6/2020

کەشو نجاریچ گڕدریا

کەشو نجاریچ گڕدریا


🌎#هەورامان‌نیوز: ئارۆ یەکشەمە کەشو نجاری سەر بە قەزاو شارو پاوەی بە هۆکاری نادیار گڕ دریا و سەدان دۆنمێش پڕووزیارە. بەپاو هەواڵو ئەنجومەنی ژینگەپارێزیو ژیوای جە پاوە، دمای ئانەیە کە ئەنجومەنەکە جە ئایردریایو بە  کەشو دەگاو نجارو پاوەی ئاگادار بی، چالاکێ ژینگەپارێزێ ژیوای، دەگاو دووریسانی و چند خەڵکێوتەر بە هامکاری دایێرە سەرچەمە سروشتییەکاو قەزاو پاوەی، وێشا یاونا یاگە ئایربەردەکا و بە هەوڵی بێ‌وچانشا، تاواشا کۆنتڕۆڵو ئایرەکەی کەرا و کوشناشەو. بەپاو هەواڵەکەی، بەهۆو فرەیی ئایرەکەی و هۆرکەردەی شەماڵی، کۆمەڵێوی فرەو کەشو نجاری بە بڕو سەد دۆنما سۆتەن و زیانێوی یەکجار فرە بە دار و درەخت و گژوگیواوو ناوچەکەی کەوتەن.
🔹چند ڕوێو چەیوەڵتەر کەشو هێرتای ئایر دریا و بە سەدان دۆنمێ جە جەنگەڵە چڕوپڕەکاو ناوچەکەی هەڵەویارە و زیانێوی یەکجار فرە ئەو ژیوگاو کوردستانی کەوت.
🔹گرد ساڵێو سۆتەیەکێ بە دەسپەنەکەردەی فەسڵو گەرمای و پڕای گیواوی و بەئەنقەس ڕووە مدا و چالاکێ ژینگەپارێزێچ کەمتەرخەمی دەسەڵاتی بە هۆکاری سەرەکی مزانا.

پەیلوایو تۆ؟
Loading...
پەیلوای

هیچ پەیلوایە نەنریانەرە.