کوردستان

12:48 - 25/6/2020

داوا کەرمێ وەرپەرسانە مامەڵە چەنی کەیسو کۆرۆنای کریۆ، ئەنا پەنا پەی یاسێ بەرمێ

حەمەو حەمە سەعیڎی وەزیرو رۆشنویری و لاوانی: داوا کەرمێ وەرپەرسانە مامەڵە چەنی کەیسو کۆرۆنای کریۆ، ئەنا پەنا پەی یاسێ بەرمێ

هەورامان نیوز
وەزیرو رۆشنویری ئاگادارو كەناڵەكاو راگەیاندنی کەرۆوە چانەی جە پەرسەو وەڵابیەیۆ كۆرۆناینە حساب پەی بەرژەوەندی گردی کەرا ئەنا ناچارێ بیمێ پەنا پەی یاسێ بەرمێ.
حەمەو حەمە سەعیڎی، جە پەیامێشنە پەی میدیا و میدیاكارا ستایشو رۆڵو میدیاكا کەرۆ جە هەڵمەتەو روبەڕوبەیۆ كۆرۆناینە و ماچۆ: میدیاو میدیاكارێ، بە گرد رەنگ و دەنگە جیاوازەكاوە ڕۆڵێ خاس و گەورەشا بیەن جەكەمپینو وێپارێزی و وڵاتپارێزناینە.
نامەبریا هەر چا پەیامەشەنە ئاماژەش پانەیچ کەردێنە بڕێ جارێ دەنگێ نەشازێ و نەگونجیێ جە ئاستو مەتەرسیەکانە مژنەویاو وینیا، هومێڎەوارێنمێ ئی كەس و لایەنێ بەویژدانۆ لاجە ئامارەكانو مەردەی و توشبیەی کەراوە و بە ھەستکەردەی بە وەرپرسیاری ئەخلاقیوە بەڕێنماییە تەندروستیەكاوە پابەنڎێبا.
ئاڎ داوایچشکەردێنە میدیاكێ وێشا بەدوور گێا جە کیێکەردەی بەبەكارئاردەی گیان و تەندروسی ھاموەڵاتیاوە جە ململانێ سیاسیەكا و بەرژەوەندییە شەخسیەكا.
ئاڎ هۆشداریچشدان چانەی ئەگەر میدیاكێ پابەندێ پرەنسیپەكا نەبا "ئانە ناچارێ بیمێ جە پێناوو پارێزنای گیانو ھاموەڵاتیاو ھەرێمو كوردەسانی، پەنا پەی یاسێ بەرا چی بوارەنە"

پەیلوایو تۆ؟
Loading...
پەیلوای

هیچ پەیلوایە نەنریانەرە.