هەورامان

12:12 - 8/6/2020

یەرەکە-YRK)

یەرەکە-YRK):


 کوشیای هاموڵاتی "سۆران ئەختەر سەمەر"ی پەیوەندیش بە ئێمەوە نییەن
(یەرەکە-YRK) پەی خەڵکو هەورامانی: کوشیای هاموڵاتی "سۆران ئەختەر سەمەر" هیچ پەیوەندیش بە ئێمەوە نییەن و بڕێو لایەنێ بە مەبەستو ئاژاوەگەری تۆمەتێ پەی گەریلاکانمان هۆرمەبەسانێ
جە ماوەی ویەردەنە جە یۆ جە کویسانەکانو کۆساڵانی سەر بە هەرێمو هەورامانی جە دیمو وەرهورزو کوردستانی، هاموڵاتی “سۆران ئەختەر سەمەر” خەڵکو دەگاو ڕوار-و هەورامانی مەکوشیۆنە و یەکسەر و بەبێ پەیجۆر و شۆنیەرەلوای کۆمەڵێو کەسێ و لایەنێ جە دیجیتاڵ میدیانە تۆمەتێشان بەخشێوە و گەریلاکێ یەکینەکێ پارێزنای وەرهۆرزو کوردستان (یەرەکە-YRK)یشان بە کۆشتەکەیش تاوانبارێ کەردێ.
سەبارەت بە ئانەیە فەرمانداری گردیی (یەرەکە-YRK)ی بەیاننامێوش پەی ڕای گردیی کوردستان و خەڵکو هەورامانی دان و تۆمەت و تاوانبارکەردەکەیش ڕەت کەردنەوە و ئاشکراش مەکەرۆنە "هیچ پەیوەندیێوشان بە کوشیای ئا هاموڵاتیەیەوە نییەن".
تەمامی بەیاننامەکەو  (یەرەکە-YRK):
جە چەند ڕوێ ویەردێنە، جە دەگاو ڕوار-ی سەر بە هەرێمو هەورامان کەسێو بە نامێ “سۆران ئەختەر سەمەر” کوشیان. بڕێو لایەنێ بەبێ پەیجۆر و شۆنیەرەلوای و بە مەبەستو ئاژاوەگەری و بە هۆربەستەی تۆمەتێ دوور جە ڕاستی جە تۆڕە کۆمەلایەتیەکانە ئا کوشتەکەشان پێسە کارو هێزەکامان نیشانە دان. پەوکەی پەی گرد لایێوی بەگردی و خەڵکو هەورامانی بەتایبەتی ئاشکراش مەکەرمێنە کە کوشیای هاموڵاتی نامبریای هیچ پەیوندیێوش بە ئێمەوە نییەن.
ئێمە پێسەو هێزێوی ساحیب پرنسیپ و دیسیپلینی سەربازی، گەریلاکێمان هەر چالاکیێوەشان ئەنجام دابۆنە، پەی ڕای گردیی ئاشکراشان کەردەن و گێرتەشان ئەستۆ. بەڵام کوشتەی “سۆران ئەختەر سەمەر”ی کارو گەریلاکانمان نییەن و دوور و نزیک پەیوەندیش بە ئاڎشاوە نەبیەن.
هەر جەی بارەوە سەرچەمێوە جە جمیەرو ئازادی وەرهۆرزو کوردستانی بە ئاژانسەکەیمان فوڕات نیوز (ANF)یش وات: "جە زووتەرین وەختەنە سیناریۆکێ کوشتەی هاموڵاتی “سۆران ئەختەر سەمەر” ی و هۆکارەکێ تۆمەتبارکەردەی گەریلاکێ یەکینەکێ پارێزنای وەرهۆرزو کوردستانی (یەرەکە-YRK) پەی ڕای گردیی کوردستانی و هەورامانی ئاشکرێ مەکەرمێنە.

 

پەیلوایو تۆ؟
Loading...
پەیلوای

هیچ پەیلوایە نەنریانەرە.