کوردستان

12:50 - 6/7/2020

ھێزە چەكدارەكێ ئێرانی شوانێ و ئاژەڵدارە کۆچەرەکا کەرا ئامانج

ھێزە چەكدارەكێ ئێرانی شوانێ و ئاژەڵدارە کۆچەرەکا کەرا ئامانج

هەورامان نیوز
ساڵانە جە وەرزو وەهارێنە نزیکەو ھەزار یانێ، پەی لەوەڕنای حەیوانەکاشا تا وەرزو پایزی ملا کوێسانەکاو ناوچەو باڵەکایەتی، بەڵام ھێزەکێ سوپاو پاسداراو ئێرانی ڕووانە تەقە جە شوانکارەکا کەرا و دمایین جارشوانکارێوە تەمەن 15 ساڵان بە گوولێ راستەوخۆ پاسداراو ئێرانی دلێ خاکو ھەرێموکوردەسانینە برینداربی، ئیسە ئینا چێروچەمداری پزیشکینە.
حەمەدەمین رەسوڵ، یۆ جە قوربانییەکا تەرو دەستڕێژو پاسەوانەکاو سنورو ئێرانی جە کوێسانەکاو وێزەی، ئاڎ باسو ئانەی کەرۆ چن روێ چێوەڵی 40 سەرێ مەیی بە دەستڕێژو گولـلەو سوپاو پاسداراو ئێرانی دلێنەشیێ.
ناوچە كوێستانییەكێ باڵەكایەتی ھامسنوورێنێ چەنی پیرانشارو وەرکەوتو کوردەسانی جە پارێزگاو ورمێ، ساڵانە نزیکەو ھەزار ئاژەڵدارێ جە شارو ناوچەکاو تەرو ھەرێمو کوردەسانیوە پەی لەوەڕنای ئاژەڵەکاشا جە وەرزو وەھارینە رووەش کەرانە و تا وەرزو پایزی مەناوە، سەرەڕاو ئانەی ھێزی زیاتەر پەی سنوورەکاو دروسکەردەی ژمارێوە فرێ قەڵێ سەروازیێ، فرەوجارا ھێزەکێ ئیرانی جە خاڵەکاو چەمداریوە سەرو سنووریوە یان مەیا قوڵایی خاکو ھەرێمی و تەقە وەنەو ئاژەڵدارە کۆچەرەکاکەرا

پەیلوایو تۆ؟
Loading...
پەیلوای

هیچ پەیلوایە نەنریانەرە.