جیهان

02:22 - 7/8/2020

پەی پاڵپەشتی و هامدەردیکەردەی چەنی گەلو لوبنانی، ماکرۆن لوا پەی لوبنانی

پەی پاڵپەشتی و هامدەردیکەردەی چەنی گەلو لوبنانی، ماکرۆن لوا پەی لوبنانی


🌎هەورامان‌نیوز: ئارۆ پەنجشەمە 16وگەلاوێژی ئیمانۆئیل ماکرۆن سەرکۆمارو فەڕەنسای پەی پاڵپەشتی و هامدەردیکەردەی چەنی گەلو لوبنانی، ماکرۆن لوا پەی لوبنانی. بەپاو هەواڵەکا ماکرۆن وەڵێ‌نیمەڕۆی یاوارە بەیرووت و دمای دیدار چەنی سەرکۆمار و سەروەزیرو وڵاتەکەی دماو هامدەردی‌کەردەیش چەنی گەلو لوبنانی متمانەش بە خەڵکی و دەوڵەتو ئا وڵاتیە دا هەم فەڕەنسا هەم یەکیەتی ئۆرووپای و هەمیچ دنیا یارمەتی لوبنانی دا پەی تێپەڕنای دۆخەی سەختەو دماو ئەوەتەقایە سامناکەکاو بەیرووتی.
🔹 ماکرۆن بە ئیشارەدای بە دۆخەی قەیراناوییەی سیاسی و ئابووریەو لوبنانی هوشداریش دا کە ئەگەر چاکسازە ڕاسینەکێ نەلا ڕاوە ڕەنج و مەینەتی لوبنانیەکا درێژە کێشۆ و تەمامیش پەی نیا. 
🔹هامکات چەنی دیدارەکەو ماکرۆنی دوێ فڕۆکێ نیزامیێ پەڕ جە کەرەسە و دەوا و دەرمانی پزیشکی بریتی جە ناوەشخانێوی کاتی فەڕەنسای یاوایرە بەیرووت. 
🔹چندین وڵاتێ‌تەر قەوڵو یارمەتیی مادی و پزیشکیشا دان و جە هیزیەو تا ئیسە چندین کۆمەڵە یارمەتیێ وڵاتا یاواینێ بەیرووت.

پەیلوایو تۆ؟
Loading...
پەیلوای

هیچ پەیلوایە نەنریانەرە.