کوردستان

01:13 - 22/7/2020

بەغا زەڕو گەنماو هیتیاراو هەرێمیش کیانا

بەغا زەڕو گەنماو هیتیاراو هەرێمیش کیانا

هەورامان نیوز
پێسە هەنگامەیەی یوەمەو زەڕ و گەنماو هیتیارا، جە بەغاوە بڕو حەوت ملیار دینارێ ڕوانەو هەرێمو كوردەسانی كریا.
 هێمن سەید موراد، ڕاوەبەرو سایلۆ هەولێری بە میدیاكاو پارتیش واتەن" جە لایەنو وەزارەتو بازرگانی عێراقیوە چەكێوە بە بڕو دووێ ملیار دینارا پێسە هەنگامێ یووەمێ شایستە داراییەكاو گەنماو ئێساڵی هیتیاراو هەولێری ڕووانە کریان".
ئاشكرایچش کەرد كە پاڵوئانەینە یەرێ ملیار دینارێ پەی گەنماو هیتیاراو سلێمانی و دووێ ملیار دینارێچ پەی هیتیاراو دهۆكی روانە كریان.
واتیچش"ئا دووە ملیار دینارە پەی هیتیاراو هەولێری کیانیان دماتەر بەپاو ریزبەندی تەسلیمکەردەی گەنما بە سایلۆكا دریۆ، کیانای ئا بڕە زەڕەیە هەنگامێوە خاسەنە بە تایبەت دماو ئانەی هەواڵو دماوستەی و نەکیانای زەڕەکەی بێ".
رۆشنیچش کەردەنۆ، جە هەولێرنە بڕیاردریابێ 110 هەزار تەنێ گەنمێ ورگێریا تا ئیسە 86 هەزار تەنێ ورگێریێنێ پڕۆسەكەیچ بەردەوامیش هەن هەتا گرد ورگیریۆ، واتیچش"پڕۆسەو ورگێرتەی گەنما جە هەولێرنە تەمام بۆ ئانە پێویستا حكومەتو عێراقی بڕو 55 ملیار دینارا روانەکەرۆ".
حكومەتو عێراقی بڕیارشدان جە كۆ یەك ملوێن تەن گەنماو هیتیاراو هەرێمو كوردەسانی پەی ئێساڵی تەنیا 390 هەزار تەنێ ورگێرۆ.

پەیلوایو تۆ؟
Loading...
پەیلوای

هیچ پەیلوایە نەنریانەرە.