هەورامان

01:08 - 26/8/2020

حەمە هەورامی کۆچش کەرد

حەمە هەورامی کۆچش کەرد


هەورامان‌نیوز
ئارۆ یەرەشەمە 24و ئاگۆستو 2020ی وەراوەر چەنی 4و ئاوەوەرەو 2720ی کوردی، محەمەد حیسامی مازیبنی ئەژناسیا بە حەمە هەورامی، ەونەرمەندی گۆرانیواچ و کەسی دڵسۆز و پاڵپەشتو گۆرانیەو ناوچەو هەورامانی دمای ماوێوی فرەی وەروەرەکانێ چەنی نەوەشی کۆچی دماییش کەرد. حەمە هەورامی جە ماوەو ژیوایشەنە پاڵپەشت و یار و یاوەرو گۆرانیەو هەورامانی و فرەو هونەرمەنداو ناوچەکەی و بەتایبەت مامۆستا عوسمان هەورامی بێ و جە فرەو کۆڕو بەزمی و شادی و ڕاوڕەسمە هونەرییەکانە چالاکانە بەشدار بێ و پێسە ئسپۆنسەرێوی مەعنەویو کارەکانو مامۆستا عوسمانی و باقی هونەرمەندە ڕەسەنەکاو ناوچەکەی پێسە کاک جەمیل نەوسوودی و کاک حەمەحسەین کەیمنەیی و... بێ و ئاڕشیوێوی گران بێ پەی ڕۆزگارە سەختەکاو تەنیایی ناوچەکەی.
🔹 حەمە هەورامی خەڵکو دەگاو مازیبنی سەر بە ژاوەرۆو هەورامانی بێ و دەنگێوی دڵسۆزش بێ و بە چندین گۆرانیێ و بەزمێ دڵلاونێش تۆمار کەردێنێ.
🔹بە کۆچی دمایینو حەمە هەورامی هونەری مللی کوردستانی و بەتایبەت گۆرانیەو ناوچەو هەورامانی خزمەتکارێوی دڵسۆز و توانا و کردەییش جە دەست دا.
ـــــــــــــــــــــــــــــــــــــــــــــــــ
🔸ستافو هەورامان‌نیوزی پڕبەدڵ نیگەرانا پەی ئی کۆچیە و سەروەشی ماچۆ بە سەرجەم خەڵکو کوردی و بەتایبەت خەڵکو ناوچەو هەورامانی و دەگاو مازیبنی و وێش بە هەمبەشو ئی خەمە گرانەیە مزانۆ و تەمەنناو ئارامی و ئاسوودەیی کەرۆ پەی کاکە حەمەی ڕەوانشادی!

پەیلوایو تۆ؟
Loading...
پەیلوای

هیچ پەیلوایە نەنریانەرە.