هەورامان

02:01 - 4/8/2020

دەزگای پزیشکیو سی‌تی‌ئیسکەنی پەی پاوەی و مەریوانی

دەزگای پزیشکیو سی‌تی‌ئیسکەنی پەی پاوەی و مەریوانى


هەورامان‌نیوز: نەوەشخانەکێو "قودس"و پاوەی و "بووعەلی"و مەریوانی سی‌تی‌ئێسکەنشا پەی ئاما. بەپاو هەواڵەکا جە پاوە و مەریوانەو ئارۆ دوەشەمە هەردوێ نەوەشخانێو شارەکاو پاوە و مەریوانی بیێ بە ساحیبو دەزگاو سی‌تی‌ئێسکەنی. 
هەتا ئارۆ تاقە نەوەشخانەو شارو پاوەی دەزگاو سی‌تی‌ئێسکەنیش نەبێ و خەڵکو قەزاکێ پەی ڕایی‌کەردەی کارەکاشا و چارەسەری ناچارێ بێنێ ڕووەو شارەکاو جوانڕۆی و کرماشانی بلا و سەرەڕاو دژواری ڕاکێ و خەتەراش، خەرجێوی فرە دێ دەسشاوە. خەرجێوی   بە ئامای ئی دەزگا پزیشکییە بەشێو جە گێرە و کێشەو خەڵکو قەزاکەی چارەسەر بۆ.
هەرپاسە نەوەشخانەو بووعەلیو مەریوانیچ کە دەزگایێوی سی‌تی‌ئێسکەنی کۆنەش بێ، بە ئامای ئی دەزگا مودێڕن و پێشکەوتەیە عالتەر متاوۆ خزمەتو هاموڵاتیا قەزاکێ کەرۆ.

پەیلوایو تۆ؟
Loading...
پەیلوای

هیچ پەیلوایە نەنریانەرە.