هەورامان

01:21 - 9/8/2020

هێزەکێو ئیتڵاعاتو ئێرانی پاوەنە 9 کەسێشا گێرتێ

هێزەکێو ئیتڵاعاتو ئێرانی پاوەنە 9 کەسێشا گێرتێ


🌎هەورامان‌نیوز: جە چند ڕۆی ویەردەنە هێزەکێو ئیتڵاعاتو ئێرانی قەزاو پاوەو ڕۆژهەڵاتو کوردستانیەنە دوێ هەڵمەتێ جیاینە 9 هاموڵاتیێشا گێرتێ. بەپاو هەواڵەکا پاوەو، هێزە ئەمنی و ئتڵاعاتییەکێو ئێرانی چند ڕوێ چەیوەڵتەر کوڕێوی تەمەن 17 ساڵی پاوەییشا بە نامێو "پارسا ڕۆستەمی" دەسبەسەر کەردەن و کیاستەنشا پەی ناوەندو پەروەردە و چاکسازیو کرماشانی. پارسا بە تۆمەتو هەمکاری‌کەردەی چەنی حیزبێوی کوردی گیریان و پەی وەردای کاتیش داواو جە بنەماڵەکەیش بارمتەی 180 ملیۆن‌ تمەنیشا کەردەن.
🔹جە هەڵمەتێوەی‌تەرەو هێزە ئیتڵاعاتییەکا پاوەنە دمای دەرورگێرتەی یانێوی گەڕەکەو فەرهەنگیانیەنە، 8 هاموڵاتی‌تەرشا دەزگیرێ کەردێنێ و پەی شۆنێوێ نادیارێ واڕەینێشاوە. نام‌ونیشانو دەزگیرکریایەکا فرە دیار نیا، تەنیا ئانە دیارا کە یەرێ کەسێشا ژەنی و پەنجیچشا پیاینێ. هەرپاسە چند کەسێشا خەڵکو پاوەی و باقیچ بانەیێنێ و تۆمەتا هەمکاری‌کەردەی حیزبێوی کوردیا.

پەیلوایو تۆ؟
Loading...
پەیلوای

هیچ پەیلوایە نەنریانەرە.