جیهان

10:23 - 22/9/2020

تورکیا دوێ کوردێش تەیارەنە فڕەدێنێرە وار

سوپاو تورکیای چن ڕوێ چێوەڵی دووێ هاموەڵاتیێ کوردێش جە ناوچێوە سەر بە شارو وانی جە سەراونو کوردەسانی گێرۆنە و دماتەر دلێ کۆپتەرێوەنە عاسمانۆ وزۆشارە وار.

بەپاو ئا زانیاریا میدیێکێ باکوورو کوردەسانی وەڵاشا کەردەنۆ، دووێ هاموەڵاتیەکێ نامێشا عوسمان شیبان و سەروەت تورگوتەنێ، کە جە ١١و ئی مانگێ جەلایەن و هێزێوە سەر بە سوپاو تورکیایۆ جە ناوچەو چاتکی جە شارو وانی سەراوننو کوردەسانی گیریێنێ.

عوسمان عەمرش ٥٠ ساڵێن و هەشت زاوڵێش هەنێ، سەروەتیچ عەمرش ٥٥ ساڵێن و حەوت زاوڵێش هەنێ، دماو گیریایشا عەزیەتێ فرەی بەڎەنی و گیانیشا دێنێ و دماتەر بەفڕۆکە واڕێنێشاوە پەی شۆنێ تەرێ چاوەختەنە دلێ کۆپتەرەکەینە فڕشا دێنێرە وار.

بەپاو راپۆرتە پزیشکییەکا کە جە تویتەرنە جەلایەن و چالاکوانەکا و دژو رەگەزپەرستی تورکەکاوە وەڵاکریێنێ، جە وەخت و فڕدایشانە بە سەختی بەڎەنشا مەڕیان و نەوەشخانەنە ئوسنێنێشا.

تا ئیسە لایەنە فەرمییەکێ تورکیای هیچ رۆشنکەردێوەشا چابارۆ نەڎان.

هاموەخت جە تویتەرنە هەڵمەتێوە فراوان وەرانوەرو ئی هەنگامە رەگەزپەرستیێ سوپاو تورکیای دەسش پەنەکەردەن و هاشتاگو #HelikopterdenAttılar بیەن بە بابەت و سەرەکی تورکیای.

پەیلوایو تۆ؟
Loading...
پەیلوای

هیچ پەیلوایە نەنریانەرە.