کوردستان

12:12 - 17/9/2020

نێچیروان بارزانی: پەی یارمەتی‌دای تازەو ئەمریکای بە هێزو پێشمەرگەی سپاسو ئەمریکایش کەرد

ڕۆو یەرەشەممەی 15و ئەیلوول(25و خەرمانان)ی بەڕێز نێچیروان بارزانی سەرۆکو هەرێمو کوردستانی چەنی میتۆ تۆلێر، باڵوێزو ئەمریکای عێراقەنە، دیدار و گفتوگۆش کەرد و پەی یاردیدای تازەو هێزەکاو پێشمەرگەی، سپاسو ئا وڵاتیشە کەرد.

دیدارەکەنە، دۆخی سیاسی و ئتمنیی عێراقی، پەیوەندیو هەرێمو کوردستانی چەنیو ئەمریکای، هتڕەشێو تیرۆریزمی و ڕووبەڕووبیەی چەای داعشی و گرنگیی درێژەکێشای پاڵپەشتییە ناونەتەوەییەکا جە عێراقی دژو تیرۆری، کۆشیای پەی چارەسەرکەردەی ناکۆکیەکاو بەینو هەولێری و بەغدای و پەرسەو هۆرچنایایەکاو عێراقی، باسشا چەووە کریا.
هەر دوە لا سەرو کۆو باسەکا و ئینە کە پەی تێپەڕنای دۆخەو ئیسەو عێراقی پەی خاستەری، مشیۆ کۆو پێکهاتەکاو وڵاتەکەی هامڕا و هامکارێو یۆی با و پاڵپەشتی ناونەتەوەییچ کریۆ.
سەرۆکو هەرێمو کوردستانی جە یارمەتیە نیزامی لۆجیستییەکاو ئەمریکای کە ڕۆو یەرەشەمەی جە چوارچۆو بەشێوتهر ج پاڵپەشتییەکاو ئەمریکای عێراقەنە، کریا بە هێزو پێشمەرگەی سپاسو حکومەتو ئەمریکایش کەرد. هەرپاسە باڵوێزو ئەمریکایچ، پێوەرەژیوای دۆستانە و ئاشتیانەش هەرێمەنە بەرز نرخنا و سەرو نەخشی جددی و گرینگو هەرێمو کوردستانی جە چەسپنای ئەمنیەت و ئارامی مەنتیقەکەینە جەختش کەردەو.
 

پەیلوایو تۆ؟
Loading...
پەیلوای

هیچ پەیلوایە نەنریانەرە.