جیهان

02:41 - 12/10/2020

نەتەوەیۆگێرتەکێ: دۆخو کناچاو و ژەناو عێراقی ئینا ئەوپەڕو خراپینە

ئارۆ یەکشەممە ۱۱و تشرینو یووەمی کەڕۆ جەهانی کناچە زاوڵا و گەنجان، نوێنەرایەتی سەر بەنەتەوە یۆگرتەکا جەعێراقنە، وەڵاشکەردۆ، کناچێ ئەنە فرە دژایەتیشا کریۆ کەیاگێ قبوڵکەردەی نیا.

جە وەڵاکەردێوە هامبەشنە هەریۆ جە نوێنەرایەتییەکاو یونسێفی، سنوقو نەتەوەیۆگرتەکا پەی ژمارەو ئەرەنیشتا و کۆمسیۆنو مافەکاو مرۆڤی جە عێراقنە وەڵاشکەردۆ، "ئا کێشە و گرفتێ ڕووبەڕوو کناچا و کوڕا بۆوە جە عێراقنە فرە و جۆراوجۆرێنێ، بەڵام ئاستو تنوتیژی وەرانوەرو کناچا ئەنە بەرزا کە یاگێ قبووڵکەردەی نیا".

بەپاو وەڵاکەردەیۆکەیش ئا نوێنەرایەتیێ، %80و كناچە گەنجا و زاوڵا جە عێراقنە ڕووبەڕوو تنوتیژی باوە جە یانەنە و مەکتەبەکاشاوە، جە هەمانوەختەنە ملوێنانشا جە جەهانەنە ڕووبەڕوو تنوتیژی باوە پێسە، خەتەنەکەردەی، هاوسەرگیریی زاوڵا، گێچەڵەو سێکسی، دەستدرێژیی سێکسی و جۆرەکاوتەرو تنوتیژی.

جە وەڵاکەردێونە، "کناچێ بە گردی جە عێراقنە چێرو کاریگەریی نەبیەی ئاسایشی جە عێراقنە، کە پاسەش کەردەن کۆت و بەندەکێ سەرو کناچا زیاتەرێ با، هەرپاسە وەڵابیەیۆ ڤایرۆسو کۆرۆنای و ڕاکارەکێ پەیوەست پا دۆخەوە پاسەش کەردەن ئا مەتەرسیێ ڕووبەڕوو کناچا باوە زیاڎش کەردەن".

بەپاو وەڵاکەردێوە ڕاوەبەریەتی زانیاریی توندوتیژی جەبارەو ئامارەکاو تننوتیژی، جە چارەکو یووەمو ساڵەو 2020 دنە%23ێ توندوتیژییە تۆمارکریێکێ جە تەمەنوزاوڵەیی و هەرزەکارینە بیێنێ، دلێشانە %6 جە تەمەنەکاو (سفر) پەی (١١) ساڵی بیێنێ، %17شا جە تەمەنو 12 پەی 17 ساڵی تۆمار کریێنێ.


زیاتەر بوانەوە

بابەتێ پەیوەندیدارێ
نەتەوەیۆگێرتەکێ
پەیلوایو تۆ؟
Loading...
پەیلوای

هیچ پەیلوایە نەنریانەرە.