ئابووری

02:45 - 12/10/2020

پەرلەمانو عێراقی پەیجوری جەبارەو قەرزو حکومەتیوە کەرۆ

پەڕلەمانتارێوە عێراقی وەڵاشکەردەنۆ کە گەرەکشانە پەیجوری جەبارەو داواکاریێوە وەزارەتو دارایی پەی ورگێرتەی قەرزی تازەی کەرا، هەرچنە بەرکەوتەن حکوومەت زەڕی پێویستش پەی بەشکەردەی موچەو فەرمانبەرا وەردەسنەبیەن.

چا بارۆ بەدر سائیغ ئەندامو ئەنجوومەنو نوێنەرانو عێراقی ئاشکراش کەردەن کە لیژنە تایبەتمەندەکاو دلێ ئەنجوومەنو نوێنەرانی یاوێنێ ئا ئەنجامە کە حکوومەت زەڕی پێویستش پەی بەشکەردەی مووچەو مانگەو ئەیلوولی وەردەسنەبیەن و هیچ پێویستش بە ورگێرتەی قەرزی تازەی نەبیێنە، ڕۆشنیچش کەردەنۆ کە پەڕلەمان جە هۆکارە راستەقینەکاو پەشتەو ئی هەوڵێ حکوومەتی کۆڵیۆوە.

سائیغ جە چەمپەنەکەوتێوەشنە پەی یاگێ "مەعلوومە"ی واتەنش کە لیژنەو دارایی بەهامکاری لیژنەکاو تەرو دلێ ئەنجوومەنو نوێنەرانی، جەبارەو داواکاری حکوومەتیوە پەی ورگێرتەی قەرزی بەمەبەستو بەشکەردەی مووچەی دەسشا بە پەیجوری کەردەن.

هەرپاسە باسش چانەیچە کەردێنە کە لیژنەکێ یاوێنێ ئا ئەنجامە حکومەت زەڕی پێویستش وەردەسنە بیەن و هیچ پێویستش بە ورگێرتەی قەرزی تازەی نەبیەن، ئینەیچ نیشانێ پرسیارێ سەرو ئا داواکارییەیە دروسکەرۆ و پەی ئانەیچە ئەنجوومەنو نوینەرانی جە هۆکارە راستەقینەکاو پەشتەو ئا هەوڵو حکوومەتی کۆڵیۆوە.

و: پەی هەورامی: هەورامان نیوز


زیاتەر بوانەوە

بابەتێ پەیوەندیدارێ
پەرلەمانو عێراقی
پەیلوایو تۆ؟
Loading...
پەیلوای

هیچ پەیلوایە نەنریانەرە.