ئابووری

12:11 - 7/10/2020

چانەی مەشۆ پی زووانە بەغا ۳۲۰ ملیار دینارەکەی کیانۆ

ئەندامێوە لیژنەو دارایی پەرلەمانو عێراقی بە میدیاکاش واتەن حکوومەتو عێراقی هیچ وادێوەش پەی ڕوانەکەردەی ٣٢٠ ملیار دینارەکەو هەرێمی دیاریی نەکەردەن.

ئەحمەدو حاجی رەشیدی ئەندامو لیژنەو دارایی پەرلەمانو عێراقی واتەنش، ئاڎێ پێسە لیژنەو دارایی هەڵای ئا پڕۆژەیاسێ حکوومەتیشا بە دەس نەیاوێنە کە داواش کەردێنە بڕێ قەرزی تەر پەی موچەو فەرمانبەرا ورگێرۆ.

ئەحمەدو حاجی رەشیدی واتەنیچش؛ حکوومەت ماچۆ زەرم نیا تا پەی مووچەی بەشش کەرۆ پەوچی مووچەو فەرمانبەرەکاو وێش نە کیانانش تا مووچەو فەرمانبەراو هەرێمی کیانۆ.

نامەبریا باسو ئانەیچش کەردەن، حکوومەتو عێراقی بەشکەردەو موچەیش بەستەنۆ بە پەسەنکەردەی یاساو قەرزو ناوخۆییۆ پەووچی تا ئا پڕۆژەیاسێ حکوومەتی پەسەننە نەکریۆ چانەی مەشۆ مووچەو فەرمانبەرا و عێراقی بەشکریۆ.

هەرپاسە باسو ئانەیچش کەردەن ئا کوچە زەڕە کە بڕیارا بێ پەی هەرێمو کوردەسانی دماو بەشکەردەی مووچەو فەرمانبەراو عێراقی ڕوانە کریۆ پەوچی پی زوانە ئا کوچە زەڕە ڕوانە مەکریۆ.

پەیلوایو تۆ؟
Loading...
پەیلوای

هیچ پەیلوایە نەنریانەرە.