هەورامان

06:18 - 29/10/2020

‍ دووەم فښتیڤاڵو هەنارو هەڵەبجەی کریاوە

‍ دووەم فښتیڤاڵو هەنارو هەڵەبجەی کریاوە


هەورامان‌نیوز: ئآرۆ پەنجشەمە 29و تشرینو 2020ی‌ بە ئامادەبیەی ۈەزیرو کشتوکاڵی و ئاویاری، پارێزگارو هەڵەبجەی و ٮەرپرسە ناوچەییەکێ حیزبە سیاسیەكاو کۆمەڵێوە جە خەڵکو هەڵەبجەی و خاوەن بەرهەمەکا، دووەمین فستیڤاڵو هەنارو هەڵەبجەی‌ ڐەسش پەنە کەرد و فستیڤاڵەکە چندین ڕوێ درێژە کێشۆ. 
🔹جە ڕاوڕەسمی سەرەتاییو فستیڤاڵەکەینە سەرەتا ئازاد تەوفیق پارێزگارو هەڵەبجەی دمای بەخێرئامایی کەردەی وەزیرو کشتوکاڵی، بەرپرساو کەس و لایەنەکا و مێمانەکا، سپاسو وەزیرو کشتوكاڵیش کەرد په‌ی پاڵپەشتیکەردەیش جە ئەوەکەردەی فستیڤاڵەکەی سەرەڕاو دۆخەی خرابەو كۆرۆنای. هەرپاسە باسش جە نەهامەتۍەکاو خەڵکو هەڵەبجەی و شارەزوور و هەورامانی کەرد کە جە مێژووی هامچەړخو ناوچەکەیڻە پێوەرە چەشتەنشا و بەسەرشا‌ ئامان و جەختش‌سەرو ئانەیە کەردەو کە پەیش هەن گردو بوارەکاوە خزمەتی شایښتەشا کریۆ.
🔹جە بەشێوتەرو ڕاوڕەسمەکەیەنە وەزیرەو کشتوكاڵ و ئاودارای جە واتێوەنە، سپاس و خەڵکو پارێزگاو هەڵەبجەیش کەرد و باسش جە چندین هەوڵ و پڕۆژەی تایبەت بە پارێزگاکەی کەرد و ئیشارەش دا بە ئانەیە کە پارێزگاو هەڵەبجەی شایانو خزمەتی فرەتەریا و مشیۆ فستیڤاڵو هەنارو هەڵەبجەی بەرفراوان کریۆ و‌ بۆ بە‌ ناودەوڵەتیچ.
🔹فستیڤاڵەکە چندڕوێ درێژە کێشۆ و باخەوانەکێ بەرهەمەکاو وێشا پەی ورەتەی نمایێش کەرا.

 

پەیلوایو تۆ؟
Loading...
پەیلوای

هیچ پەیلوایە نەنریانەرە.