جیهان

11:19 - 24/10/2020

ئیرەج مەسجدی کەوت وەرو سزایەکاو ئەمریکایۆ

ئەمریکا مستەمڕە سزای ئابوریە و سیاسیە مڎۆ ملو ئێرانیرە، جەتازەتەرین سزاشنە باڵوێزو کۆماری ئیسلامی ئێرانین جە بەغانە.

وه‌زاره‌تو گه‌نجینه‌و ئه‌مه‌ریكای سزای تازێش دێنە سەرو ئێرانیرە سزێکێچ "ئیره‌ج مه‌سجدی" باڵوێزو ئێرانی جه‌ به‌غانە گێرۆوە.

وه‌زاره‌ته‌كه‌، جە بەیاننامێوەنە وەڵاشکەردەنۆ "باڵیۆزو ئێرانی جه‌ عێراقنە، ئیره‌ج مه‌سجدی، پۆسته‌كه‌و وێش به‌كارئاردەن پەی پەشتیوانی کەردەی جە میلیشیا عێراقییه‌كاو ئا وەرپەرسە دەسش هەن چا هێرشانه‌ جه‌ لایه‌نو ئا میلیشیایاوە کریا سه‌رو هێزه‌ ئه‌مه‌ریكاییه‌كا جە عێراقنە.

هه‌رپاسە وه‌زاره‌تو گه‌نجینه‌و ئه‌مه‌ریكای ئینا چابڕوێنە، "ئیره‌ج مه‌سجدی"، ده‌سش هه‌ن جە زەڕدارکەردەی "فه‌یله‌قەو قودس"ی سوپاو پاسداراو وڵاته‌كه‌یشنە، كه‌ ئه‌مه‌ریكا پێسە هێزێوە "تیرۆریست"ی مشناسۆش.

هاموەخت ده‌زگاو هه‌واڵگری ئه‌مه‌ریكای، كۆمارو ئیسلامی ئێرانی به‌ ده‌سوەردای جه‌ كاروبارو هورچنیەکاو سه‌رۆكایه‌تی ئه‌مه‌ریكای تۆمه‌تبارکەردەن و وەڵاشکەردەنۆ، ئێران حەولێ مڎۆ ئارامی ئه‌مه‌ریكای شێونۆ.

سه‌رچەمە: رۆیته‌رز

پەیلوایو تۆ؟
Loading...
پەیلوای

هیچ پەیلوایە نەنریانەرە.