کوردستان

11:53 - 6/11/2020

ئارۆ کوردەسان خێرامای جە مەیتەکەو نەجمەدین کەریمی کەرۆ

پاسە بڕیارا كاتژمێر (04:00) وێرەگای ئارۆ به‌ وەختو هه‌ولێری پایته‌ختی، مەیتەکەو "د. نه‌جمه‌دین كه‌ریمی" یاوۆوە فڕۆكه‌خانه‌و هه‌ولێری و به‌ مه‌راسیمێوە خێرامای جه‌ كه‌ژاوێ مەیتەکەیش کریۆ.

"د.نه‌جمه‌دین كه‌ریم" پزیشكو نه‌شته‌رگه‌ریی ده‌ماخی و دڕكه‌په‌تكی بێ، سەرەڕاو ژیانە زانستی و خزمه‌ته‌كاش جە بوارو پزیشكینە، دلێ سیاسەتیچنە، پێسە چالاكوانێوە وێبەخشی جه‌ ئه‌مه‌ریكانە خزمه‌تی فرەش پێشکەشو قەزیێ کوردیێ کەردێنه‌.

جە ڕووەو سیاسیچۆ، جەوەختو ده‌ستبه‌كاربیەییش پێسە پارێزگارو كه‌ركووكی، خزمه‌تێوە وەرچەمش بە قەزیێ کوردی کەردە و كه‌ركووكش جەفرەو بوارەکاوە وەڵێ وست و بڕیارش دا ئاڵاو كوردەسانی سەرو دامه‌زراوه‌ رسمییه‌كاو كه‌ركووكیوە ورکریۆ.

ئاڎ ڕۆ (30ی تشرینو یه‌كه‌مو/ 2020)، جه‌ نه‌وەشخانەو "ئۆلنی" ویلایه‌تو"میریلاندی" جە ته‌مه‌نو (71) ساڵینە ژیانئاواییش کەرد.

شه‌وەی ویەردێ، (به‌وەختو هه‌ولێری)، مەیتەکەش جه‌ ئه‌مه‌ریكاوه‌ به‌ره‌و هه‌ولێری پایته‌خت به‌ مه‌راسیمێوە وزیا ڕا

ده‌یان چالاكوانێ و کۆچبەرێ كوردی جە ئه‌مه‌ریكانە كوێبیێوه‌ پەی خواحافیزی کەردەی جە مەیتەکەو "د. نه‌جمه‌دین كه‌ریمی".

پەیلوایو تۆ؟
Loading...
پەیلوای

هیچ پەیلوایە نەنریانەرە.