کوردستان

01:07 - 26/10/2020

بانقوڕەشیڎی 20 ملیۆن دینارێ تەر وەڵینە (سولفە) بە هاموەڵاتیاو عێراقی مڎۆ.

ئارۆ شەممە 24-10-2020 نووسینگەو وەڵاکەردەیۆ بانکو رەشیڎی جە بەیاننامێوەنە وەڵاشکەردەنۆ، کە ئا وەڵینەو ئی جاری کناچێ و کوڕێ گێرۆوە.

نووسینگەو وەڵاکەردەیۆ بانکو رەشیڎی ئاماژەش بە مەرجەکا کەردەن، کە ئینێنێ؛

- گەنجەکە بێکار بۆ و جە هیچ شۆنێنە نەمەرزیابۆرە

پێویستا داواکەر پەی ورگێرتەی وەڵینەکەی 20 ملیۆنییەکەی پلانێوەش بۆ و پرۆژێوە وچکلە و ناسنامەو ژوورو بازرگانیی بەغدایش بۆ، بێجگە جە کەفالەتو فەرمانبەرێوە و گرێبەستو بەکرێ گێرتەی دوکانێوە.

وەڵێتەر جە رۆ 21-10-2020، بانکو رەشیڎی جە وەڵاکەردێوەنە واتەبێش، بڕو 10 ملیۆن دینارێ پێسە وەڵینەی (سولفە) پاکەسا مڎۆ کە گەرەکشانە هامسەرەی دووەمە پەی وێشا گلکە نیشان کەرا.

بانکو رەشیڎی، بانکێوە حکوومیی بازرگانیی عێراقییا و جە ساڵەو 1988 مەرزیانەرە. لەقش جە کەرکووک و گردو شارەکاو عێراقی فیدراڵینە (بێجگە جە هەرێمو کوردەسانی)، هەن.


زیاتەر بوانەوە

بابەتێ پەیوەندیدارێ
بانکو رەشیڎی
پەیلوایو تۆ؟
Loading...
پەیلوای

هیچ پەیلوایە نەنریانەرە.