جیهان

11:49 - 12/11/2020

وەزارەت و کاروبارو جبەرو ئێرانی یەرێ مەرجێش پەی سەرۆکەتازەکەو ئەمریکای نیێنێرە پەی مەمەڵە کەردەی چەنیش

سەعید خەتیب زادە، دەمڕاسو وەزارەتو کاروبارو جبەرو ئێرانی، جە کۆنگرێوە ڕۆنامەوانینە واتش: "رێکەوتەی ئەتۆمی بەرهەمو نیشتەیرەو بەینو ئێرانی و وڵاتاوتەرین، ئێمە چن جارێ واتەنما، ئانەی ویەردەنە رووەشدێنە و جارێوەتەر گفتوگۆش سەر مەکەرمێوە".

خەتیب زادە زیاتەریچش واتەن: "ئیدارەو وێبەزلزانو ئەمریکای، جە پابەندییە یەکلاکەرەوەکاش جە رێککەوتەی ئەتۆمی و بڕیارو 2231، کیشیانۆ و پانەیچ زەرەری فرە و گەورەش بە گەلو ئێرانی یاونان". ئاڎ ڕووەش کەردە دەمو ئیداروە تازەو ئەمریکای و واتش "هەر ئیدارێوە ئەگەر گەرەکشبۆ ئاراستەکەی واڕۆ، مشۆم راسیەکا وەرەچەم گێرۆ. گرنگتەرین بەڵێنیچ پەی گردوو لایەنەکا تەری ورگێرتەی سزاکابێ" کە ئەمریکا جارێوەتەر سەپنێشۆ.

جەبارەو ئاراستەو پەیوەندییە ئاڵۆزەکاو بەینو تارانی و واشنتنی، جە سەردەمو بایدننینە، دەمڕاسو وەزارەتوکاروبارو جبەرو ئێرانی واتش، ئیدارەو ترەمپی "رایێوە فرە هەڵێش گرتەوەر جە چن ساڵەی ویەردەینە.. هیچ چێوێ بێجگە جە زوانو ئاشتی و رێزگێرتەی جە کەسایەتییەکەی، سوود بەگەلو ئێرانی مەیاونۆ"، ئاماژەش پانەیچەدا "هەلێوە هەنە پەی ئانەی واشنتن چا ساختەچی و مایەپووچیا دوورگنۆوە، کە موچیاری ئیدارەو ئەمریکای کەرا".

دەمڕاسە ئێرانییەکە یەرێ مەرجێ پەی پەیوەندییەکا چەنی واشنتنی دەسنیشانکەردێنێ، ئاڎماچۆ: " یەرێ گۆڕانکاریێ گرنگێ ئەگەر هیچی تەر رووەنەڎۆ، یەکەمشا واڕای ویرو بڕوێشانە وەرانوەرو ئێرانی، دووەمشا واڕای گوتار و زوانشانە وەرانوەرو گەلو ئێرانی و، یەرەمیچشا گێرتەی وەرو ڕاوشۆنێ پێویستیا پەی کێشیایۆ چاڕا غەڵەتێ و قەرەبووکەردەیۆ سیاسەتە غەڵەتەکاشا".

نامەبریا قسێ زیاتەرێش کەردێ و واتش: "وڵاتەکەما بەپاو دۆخە تازەکەی بڕیار مڎۆ"، دماو ورگێرتەی دەسەڵاتی جەلایەنو بایدنیوە، دووەبارەش کەردۆ "کردار گرنگا پەی ئێمە و قسێ هیچێ نیەنێ"، ئانەیچش وات "ئێران سیاسەتەکاو وێش چەنی ئامای و لوای کەسەکا مەواڕۆ".

خەتیب زادە رووەش کەردە دەمو هامسایەکاو ئێرانی و واتش: " لوای وەهمو ترەمپی، پێویستا هامسایەکاما یاونۆ ئابڕوێ ئاڎێ مەتاوا جە ڕاو لۆبیکاری و سانای چەکیوە، ئاسایش پەی وێشا دابین کەرا"، داواشکەردە ئاڎێ "ژیرانە مامەڵە کەرا پەی یاوای میکانیزمێوە ناوچەیی".


زیاتەر بوانەوە

بابەتێ پەیوەندیدارێ
وەزارەت و کاروبارو جبەرو ئێرانی
پەیلوایو تۆ؟
Loading...
پەیلوای

هیچ پەیلوایە نەنریانەرە.