تەندروستی

12:00 - 1/11/2020

ژمارەو توشبیاو کۆرۆنای جە ئەمریکانە 9 ملوێن کەسیێش ترازنا

ئاژانسو ڕۆیتەرزی وەڵاشکەردۆکە ژمارەو توشبیا بە پەتاو کۆرۆنای جە ئەمریکانە تا ڕۆ هەینی 9 ملوێن کەسێش ترازنان.

ڕێژەو توشبیا بە کۆرۆنای جە ئەمریکانە جە ماوەو دووێ هەفتا ویەردەینە بە ڕێژێوە وەرەچەم بەرزبیەنۆ.

جە ماوەو چواردە ڕوا ویەردەینە یەک ملوێن کەسێ تەر جە ئەمریکانە زیادشکەردەن.

ڕۆ پەنج شەممەی 91 هەزار کەسێ جە ئەمریکانە توشێ بیێ، توشبیێ کۆرۆنای جە ئەمریکانە ژمارێوە پێویاش تۆمار کەرد.

هەرپاسە توشبیێ ڕووانە ڕۆژانە بە ڤایرۆسو کۆرۆنای جە ئەمریکانە جە ماوەو هەفتەی ویەردەینە 77 هەزار کەسێ بیێنێ.

ژمارەو قوربانییەکاو کۆرۆنای جە ئەمریکانە جە 230 هەزار کەسێ نزیک بۆوە کە جە 21 ویلایەتێنە جە 50 ویلایەتێ ئی وڵاتە ئامارێوە تازە تۆمارکریا و بیەن یاگێ نیگەرانی وەرپەرساو واشنتۆنی.

پەیلوایو تۆ؟
Loading...
پەیلوای

هیچ پەیلوایە نەنریانەرە.