ئابووری

01:06 - 26/10/2020

کۆمپانیایێوە چینی 8هەزارهەلێ هەرمانێ پەی ئەرەنیشتاو هەولێری ڕەخسنۆ

حكومەتو چینی جە راو كەرتی تایبەتیوە بە بڕو 5 ملیار دۆلارا پڕۆژێوە جە ھەولێر جابەجا کەرۆ و پینەیچە زیاتەر جە 8 ھەزار ھەلێ هەرمانێ پەی ھاموەڵاتیا ڕەخسنۆ.

سامان عارەب، سەرۆكو لقو ھەولێرو دەسەو بەرهەمئاردەی بەکوردەسان k24 یش واتەن " جە مانگەو ئەیلوولو ئێساڵینە كۆمپانیاو پەكین-ی چینی بەروستێوەشا پێشكەش بە دەسەو بەرهەمئاردەی كەرد، پەی ئەنجامدای پڕۆژێوە گەشتیاریی و نیشتەجابیەی، بەپاو بەروستەکەی پڕۆژەكە ھەمەلایەنەن و بە بڕو 5 ملیار دۆلارا جابەجا کریۆ".

واتەنیچش: "بە جابەجاکەردەی ئا پڕۆژەیە زیاتەر جە 8 ھەزار ھەلێ هەرمانێ ڕەخسنا".

سەرۆكو لقو ھەولێرو دەسەو بەرهەمئاردەی، ئاماژەش پانەی دان: " بەروستەو پڕۆژەكەیما ئاراستەو شارەوانی ھەولێری كەردەن و وەزیرو شارەوانی و سەرۆكو شارەوانی ھەولێری ئینێ سەروخەتیوە پەی دابینکەردەی زەمینی پەی جابەجاکەردەی پڕۆژەكەی، شۆنێوە دیاریەكریێنە، بەرهەمئاوەرە چینیەکە، سەرو شۆنێوەشدان زەمینێوەش تەماشەکەردەن كە گنۆ سەراوننو وەرنیشتو ھەولێری".

واتەنیچش: "ئا كۆمپانیا چینییە پڕۆژەی ھاوشێوەش جە چەند وڵاتێوە تەرنە ئەنجامدان، پڕۆژەكە شارێوە گەشتیاری نیشتەجابیەین مشۆم دەریاچەو ئاوێ و شۆنێوەش پەی وەرزشی دلێ شارەكەنە ھەنە".

ڕۆشنش کەردەنۆ: "دماو دابینكەردەی زەمینی و تەمامبیەی ڕاکارەکا دەس بە جابەجا کەردەی پڕۆژەكەی کریۆ كە سەرو زەمینێوە 2 ھەزار دۆنمی درۆسکریۆ".

پەیلوایو تۆ؟
Loading...
پەیلوای

هیچ پەیلوایە نەنریانەرە.