هەورامان‌نیوز:
 جە گرتێوەنە کە تۆڕە کۆمەڵایەتییەکانە پەخش بیەنەو، ئۆرووگاو عەسکەرئاواو شارو وەرامینو ئێرانی مەعموورێوو هێزە ئێنتیزامییەکاو ئێرانی شەپڵاخ(زللێ)ێوە مدۆ ژەنێوێ ئاوارێ ئەفغانێ. ئی کارەو مەعمووریە کۆمەڵێو کاردانەوەێش چه‌نە کەوتێنێوە و وەزارەتو بەرەوەو ئەفغانستانی داواش جە باڵوێزخانەو وڵاتەکەیش تارانەنە کەردەن، لێکۆڵینەوە سەرو ئی بێڕێزی‌کەردەیە کەرۆ.
🔹جە کاردانەوە بە ئی کاریە، عەبدۆلکەبیر واسق، موشاویرو شووراو ئەمنییەتی نەتەوەیی ئەفغانستای توییتێوەنە ڕووبە محەمەد جەواد زەریف وەزیرو بەرەوەو ئێرانی نویستەنش: " شەرمش بۆ پیایوی و حکومەتێوی کە وەرەڕوو ژەنێوێ دەسش بەرز کەرۆوە" واسق بە ئیشارە بە قسەکاو زەریفی سەبارەت بە مێمانداریشا جە ئەفغانەکا نویستەنش: "ئینەنە منەتە و ڕەفتی زەلیلانەتا."
🔹دمابەدماو ناڕەزایەتیی وەرپرساو ئەفغانی و وەزارەتو بەرەوەو ئا وڵاتیە، پۆلیو تارانی دسوورو لێکۆڵینەوەیش بە نیسبەت چەنینی ڕووداوەکەی دان.