فەرهەنگ و هونەر

01:01 - 24/12/2020

دەقو شیعرەکێو مەستورە(ما شەرەف خانم)ێ، جەوەڵامو شێعرە هەجووکێ ناڵی شاعێرینە

ڕەحیم حەمەعلی

جەویەدەو ئەدەبو کوردینە شیعرەکیو ناڵی شاعیری کە سەرو مەستورە یرە(١٨٠٤-١٨٤٨ز) هورشدەینە ، قسێو باسیێ فرێش جەسەر وچیەنێ ،پانەی ئاخۆم ئا شیعرێ ناڵیە کەجەەتەرزەو هەوجویو شرتەینەیرە هەر بەڕاس شیعرەو خودو ناڵینە یام نا؟! یان ئانەی کە ناڵی چی یاوان ئا عاستەیە کە دەقەیوە جا چەشنەیەو پا زوانە ناباوەیە بنوئسۆنو ئایا ئاجوریە زوانە جە کەسایەتی شاعیرەیوە چوون خودو ناڵی شنیۆوە ؟ یام داخۆم چە هۆکارەیوە ڕاستە قینە ئیانان جە پەشتی نویستەی ئا دەقەیوە؟حەر پەوکای جا بارەوە ویروڕایێ فرەیە وزیەنی ڕووە، چوون ..١-بڕەیوە پەنەشان پاسەن کە دەقی نامێ بریا جەلایانو شاعیرەیوە نەریارو ناڵیوە نوسیان پەی نامی زڕنای ناڵی شاعێری..٢-یام مەواچیۆن کە ئا دەقە پەنەمشۆن هنو سەردەمو جەوانی ناڵی بۆنەو کەف و کوڵەیوەو هورشیەیەوە ساتەوەختی گەنجانە بۆن ..٣- یام جا بارەو مەوچیۆن کە مەستوورە ناڵیش بە شاعیر نەزانانو جابارەوە قسێش کەردەینێ ... ٤- یام مەوچیۆن ئا دەقەو ناڵیە جەبنەمانە دایوەنەو خودو میرنشینو ئەردەڵانین جە ڕاو کەسایەتیوە پیسە مەستورەیوە بەبۆنەو ئا گردوو ناکۆکیان کە جە میانو میرشینو ئەردەڵانیو میرنشینو بابانینە بیەنو کەناڵی بە شاعیرەیوە لایانگیروو بابانەکا ئەشناسیان ، ئتر ئەچی جۆرە پەیشیەیان چابارەوە فرێو فروانەنێ ....وەلێم ئی جوابدایوە شێعرەیو مەستورەیە پەی دەقەکەی ئانەی پەشتراس مەکەرۆوە کە هەجوەکێ جەلایانو ناڵیوە نویسیەینە ، چوون دلێ وەڵامداوەکەو مەستورەیەنە نامێ خودو ناڵی شاعێری ئامەینە ، ئی دەقە شێعریەو مەستورەیە دلێ پانتاییو ئەدەبیاتی کوردینە ئێندە ئەشناسیە نیەنەو فرە نەکەوتەیەن وەرو چەوانو فرەیوە چا کەسان کەجە بارەو ناڵیشاوە نویستەن چەنەش بێ هاگانێ، - ماە شەرەف خانمە کە نازنامش مەستوورەنو بە(حەسنای کورد )بەنامیێ بیێنەو چل و چوار ساڵێ ژیوەینەو دماجار جەسەروبەندو وڕیای میرنشینو ئەردەڵانینە بەناچاری کۆچبەرە بۆنەو ڕووە مەکەرۆن شارو سلێمانیو حەر چاگەیج کۆچی دمایینش کەردەنو جە مەزارگاو گردو سەیوانو شارو سلێمانینە ئەسپەردەو خاکی کریەینە .. مامۆسا مەولەوی جەپەسنەو ئادێنە مەواتەنش : خورشیدەکەی ناز، ئەوجی بورجی سەور سەرتوغرای دەفتەر مەحبووبان جە دەور ها لە خانەکەی بورجی شەرەف دا نوورئەفشانیشەن وە هەر تەرە ف دا..... ئینەو لاو واریچ وەڵامە شیعریەکەو مەستورەیە ن پەی ناڵی جە وانوەرو شێعرە هەجووەکێشەنە ، کە بەزوانو هەورامی(گۆران)یەن....... نالی جافەنی، نالی جافەنی چێش واچوون وە تۆ، تۆ کە جافەنی چوون ژەنی بەدکار وە گەزافەنی پەوکا ھەر خجڵ، پووچیو لافەنی چوون مۆرێ نەبەرد قولەی قافەنی دوور جە [رستەک]ی عێل و نافەنی دیارەن ئەنیری بێ ناف و دوودەی پەوکا ھەر خەریک واتەی بێھوودەی ھەی ھەی تۆ جە کۆ ڕاگەی من جە کۆ؟ سا واچوون قولێ چۆن مەبۆن بە کۆ! ئەگەر تۆ مەردی پا بنیەر نە پێش قسەی بێھوودە و پووچێ یانێ چێش مەردی ئەو مەردەن بەیۆن وە مەیدان پەلش بشانۆن بە وێنەی ڕەندان ئینە نیشانەی بوزورگی نییەن ئینە ئازاتیو سوتورگی نییەن مەرد ھەر ئەو مەردەن کە قسەش جوان بۆن دوڕ و گەوھەرش نە سفرە و خوان بۆن نەک بە وێنەی تۆ، بێ توخمەو زۆڵ بۆن پەسەک بێ شەرمیش ھەمێ نە کۆڵ بۆن سا وەسەن ئیتر وەس گفتوگۆ کەر کۆتا کەر باست، چێش ماچی وە ھەر پشتیوانی تۆ عەلی و بەتوولەن دژمەنت دژمەن ئالی رەسوولەن با شەرمەسار بۆن، نە دنیای بێ پۆ ھەر ئینە وەسەن، "مەستوورە" پەی تۆ...... .... نویستەی

پەیلوایو تۆ؟
Loading...
پەیلوای

هیچ پەیلوایە نەنریانەرە.