جیهان

12:42 - 1/12/2020

وێنیشاندەرێ ناسریەی دژو حكومەتی و سەدری دروشمێ ماچاوە

وێنیشاندای جە ناسریەنە دەوامش هەن و جە واستیچ راوڕەسمێوە رێزنیای پەی قوربانیاو وێنیشاندایەکا لووا ڕاوە.

سەرەڕاو یاوای هێزێوە فرە جە بەغاوە پەی ناسریەی، بەڵام هەڵای وێنیشاندای چا شارەنە دماییش نامان، سەڎان کەس جە گۆڕەپانو حەبوبی کوێبیێنێوە، جگە جە داواكارییەکاشا پەی حكومەتی، دروشمێ دژو موقتەدا سەدری، رابەرو رەوتو سەدری ماچاوە.

وێنیشاندەرەکێ داواشا جە حکومەتو عێراقی کەردە، سزاو ئا کەسا بدۆ، کە تەقەشا جە وێنیشاندەرا کەردێنه‌ و پاهۆکارە دەیان کەسێ بیێنێ قوربانی.

هاموەخت جە شارو کوتینە، بە بەشداری هەزاران کەسا، راوڕەسمێوە رێزنیای، پەی نیای مەیت و قوربانیاو وێنیشاندایەکا لواڕاوە.

رۆ ھەینی 27/11/2020 جارێوەتەر وێنیشاندای جە ناسریە دەسشپەنەکەرووۆ و جەنگ بەینو وێنیشاندەرا و لایەنگیراو سەدری دروسبی، تائیسە نزیكەو 10 كەسا كوشیێنێ و زیاتەر جە 90 كەسایچ بریندارێ بیێنێ.

وێنیشاندەرەکێ ناسریەی ئانێنێ كە جە ئۆكتۆبەرو 2019 ینە وێنیشاندایشا دژو حكومەتی جە فرەو شارەكاو عێراقینە دەسپەنەکەرد و داواو خاسسازی و خزمەتگوزاری کەرا.

پەیلوایو تۆ؟
Loading...
پەیلوای

هیچ پەیلوایە نەنریانەرە.