ژه‌نی

12:07 - 2/12/2020

یانەو ژەناو هەورامانی بەشداری هەڵمەتەو زاگرۆسانەو پاوەیش کەرد

ڕێکوزیاو زەناو هەورامانی، بەشدارو هەڵمەتەو "زاگرۆسانە"و پاوەی بی. دەقو هەواڵەکەیشا:

ڕێکوزیاو یانەو ژەناو هەورامانی لقو پاوەی ئارۆ یەرەشمە 11و کەڵەهەرزو 2720ی کوردی جە هەڵمەتەی ژیوگەپارێزی "زاگرۆسانە"و ڕێخراوە مەدەنی و ژیوگەپارێزیەکاو پاوەی، بەشداری چالاکش کەرد. چی هەڵمەتێنە کە بنکەو ژیوای و قەڵەمی هامچەرخو کوردی و شاخەوانی پاویچ بەشدارێ بێنێ دارستانو ڕاگای جە هامنەهەوارو ویمیری زاڵ بەسەر شاری شیرینو پاوەی بە دەسو ڕۆڵەکاو نیشتمانی نریا بەلوێ و لقو پاوەو یانەو ژەناو هەورامانیچ نەخشێوی ڕەنگین و چالاکش بێ.

یاگێو ئاماژەیا کە دادە ئەختەر ڕەزایی ئەندامەی کاراو لقو پاوەو ژەنا، جە پەیامێوی کورتەنە ڕوو بە بەشدارا، سپاسو هەوڵ و هەڵمەتی دڵسۆزانەیشا کەردش و تەئکیدش کەرد سەرو ئانەی کە پارێزنای و ئەوەژیونای کەشو کۆ و دارستانو هەورامانی ئەرکی نیشتمانیا و ڕێزما هەن پەی هەر هەوڵێوی کە چی بارەو مدریۆ.

یانەو ژەناو هەورامانی

لقو پاوەی

11و کەڵەهەرزو 2720ی

 

پەیلوایو تۆ؟
Loading...
پەیلوای

هیچ پەیلوایە نەنریانەرە.