هەورامان‌نیوز:
چوار دەگایێ دووریسان، نۆسمە، چۆڕژێ و سەرکڕانی بیێ بەشێوە جە شارو پاوەی. ئارۆ یەرەشەممە 23 بەفرانباری بەشو پەیوەندییە گردینیەکاو قایم‌مەقامییەتو پاوەی، وەڵاش کەردەو کە هەیئەتو وەزیرانو ئێرانی جە ئەرەنیشتەی ڕۆو 17و بەفرانبارینە سەرو پێشنیارو وەزارەتو ناوخۆو وڵاتەکەی و بەڵگەمەند بە ماددەو 13 یاساو ئەژناسنای و ڕێساکاو دابەشکەردەی وڵاتی پەسەندکریاو ساڵەو 1362ی ڕەزامەندیش دا سەرو ئانەیە کە، چوار دەگایێ دووریسان، نۆسمە، چۆڕژێ و سەرکڕانی گنا سەرو شارو پاوەی. بەپاو پەسەندکریاکەی سەرجەم مڵک و ماڵ و باخ و باخاتو ئی چوار دەگایە مامەڵەو شاریشا چەنی کریۆ.
🔹چی ساڵە دماینینانە بەپاو پەرەئەسای پاوەی ڕوو بەدەگا نامبریەیەکا جە بەشو وەرکەوتو پاوەی و نۆریاو جە بەشو وەرپڕیشەو هەرپاسە پەرەئەسای ئا دەگایا، هۆکارێ بیێنێ پەی پەیوەست‌بیەی دەگاکا بە پاوەیەو هەرچند تا ئیسە نۆریاو هەر پێسە دەگای مامەڵەش چەنی کریۆ و خەڵکەکەش ڕەزامەندیشا نیا گنا سەرو شارەکەی..
🔹چالاکێ ژینگەپارێزی و گەشتیاریێ دڵگرانێنێ نەوەک پەیوەست بیەی دەگاکا بە شاریەو زیاتەر بۆ بایسو تێکدای ڕواڵەت و تایبەتمەندییە گەشتیاری و میعماریەکاو دەگاکا.