🌎هەورامان‌نیوز: هونەرمەندی گۆرانیواچ فەرشاد ئەمینی، جە کاردانەوە بە پەخشو گرتێوی کە بەمەبەستو ماڕای کەسایەتی هونەریش تۆڕی کۆمەڵایەتی ئەنستاگرامینە پەخش کریانەو، بە ئەرەنیای گرتێوی جە پەیجی تایبەتی وێش ئەنستانە، واتش: "دار کە بەرش گێرت توەنیش پەی مشانا". فەرشاد ئەمینی،  دڵنیاییش دان بە خەڵکی و هاندەرەکاش، ئا کەسا کە نیازشا ماڕای و وڕنای کەسایەتی هونەریش بیەن، بژناسۆ و شەرمەزارێشا کەرۆ.
🔹فەرشاد ئەمینی ئامانج جە پەخشکەردەی ئا گرتەی و شایێعاشە، گێڵناوە پەی نیازخرابی کۆمەڵەکەسانێوی کە جەزشا نیا سەرکەوتەی ئێدی وینا و واتش: "دار کە بەرش گێرت توەنیش پەی مشانا".
🔹فەرشاد ئەمینی گۆرانیواچی گەنجو دەڤەرو هەورامانی خەڵکو دەگاو شۆشمێ سەر بە هەورامانو لهۆنو وەرکەوتو کوردستانیا و پێسە دەنگێوی ئەژناسیای جە ڕاوڕەسم و کۆڕ و کۆبوونەوە و شاییەکانە بەشداری وەرچەمش هەن و جموورێوی فرەش جە هەورامان و هەمتەر شنر و ناوچە کوردیەکاتەریەنە هەن.