هەورامان

08:44 - 23/2/2021

وەلی فەتاحی نویسەری دیارو هەورامانی کۆچی دماییش کەرد

وەلی فەتاحی نویسەری دیارو هەورامانی کۆچی دماییش کەرد

هەورامان‌نیوز: وەلی فەتاحی؛ نوویسەر و چالاکی مەدەنیو دەڤەرو هەورامانی، بە مدرای کوتوپڕو دڵی، کۆچی دماییش کەرد. بەپاو هەواڵو هەورامان‌نیوزی، نیمەڕۆدماو ڕۆو یەرەشەممەی 24و شوبات/5و سیاوکامی، نویسەر و چالاکی مەدەنیی دیارو دەڤەرو هەورامانی بە مدرای کوتوپڕی دڵی کۆچی دماییش کەرد. وەلی فەتاحی یۆ جە کەسایەتیە فەرهەنگی و چەپ و بەتەمەنەکاو دەڤەرو هەورامانی بێ کە جە ماوەو کاری فەرهەنگی چندین ساڵەیشەنە چندین هەرمانێ فەرهەنگیێ و چالاکیێش بەردێ ڕاوە. ئی نویسەرە، ساحیبو چندین کتێب و وتار و نویسیای بەپێزیا و  کتێبو "فەتە" و "دوەبەیتیەکێ ببا تاهیر هەمەدانی" جە بەرهەمە چاپکریەیەکاشەنەێ.
🔹بەشدارو کۆر و کۆمەڵە و ئەنجومەن و ڕاوڕەسمە فەرهەنگی و ئەدەبیەکاو ناوچەکەی بیەن.
🔹وەلی فەتحی خەڵکو دەگاو شۆشمێ سەر بە هەورامانو لهۆنو بەشو وەرکەوتو کوردستانی بێ و بە ماوەی زیاتەر ج جند دەیا بێ ئەرەنیشتەو شارو ڕوانسەری بێ. نیمەڕۆدماو ئارۆی ج باخەکەو وێش شۆشمێنە بە مدرای دڵی کۆچی دماییش کەرد و وێرەگاو ئارۆی گۆرستانو شارو نەوسوودێنە، ئەسپەردە کریا.
➖➖➖➖➖➖➖➖➖
⚫️ ستافو هەورامان‌نیوزی چەنی بەداخبیەی پەی کۆچی دماینو کاک وەلی فەتاحی، پەی فەرهەنگ و ئەدەبی کوردی و بەتایبەت فەرهەنگ و ئەدەبو دەڤەرو هەورامانی، بە خەسارێوی گەورەش
مزانۆ. هەر پی بۆنەو بە بنەماڵەو کاک وەلی و سەرجەم دۆستا و خزماش و کاروانو فەرهەنگ و ئەدەبو هەورامانی سەرەوشی ماچۆ و بە بەرزی یادش کەرۆوە.

پەیلوایو تۆ؟
Loading...
پەیلوای

هیچ پەیلوایە نەنریانەرە.