فەرهەنگ و هونەر

01:05 - 4/3/2021

یەکەمین فستیڤاڵو ڕازە هەورامیا لوا ڕاوە

یەکەمین فستیڤاڵو ڕازە هەورامیا لوا ڕاوە

هەورامان‌نیوز
 سەروێرەگاو ڕۆو دوەشەممەی 12و سیاوکام/30و شوباتی یەکەمین فستیڤاڵو ڕازە هەورامیا جە لاو بنکەی فەرهەنگی شنەو فەرهەنگو هەورامانیە بە شێوەی ئۆن‌لاین لوا ڕاوە و کەسە یەکەمەکێش دیاریێ کەردێ. بەپاو هەواڵو هەورامان‌نیوزی فستیڤاڵەکە بە قسەکاو ئیبراهیم شەمس، سکرتێرو فستیڤاڵی دەسش پەنە کەرد و بە ئیشارەدای بە چەنینی فستیڤاڵەکەی و کەوتەی دماش بەبۆنەو کۆچی دمایینو نویسەر "وەلی فەتاحی" باسش جە چەنینی  هەرمانەکێ کەرد و واتش زیاتەر جە 45 ڕازا پەی فستیڤاڵەکەی ئامەینێ و لیژنەو داوەری دلێشانە 12 دانێش هۆرچنیێنێ کە دلێ ئاوویشایچەنە 5شا پێسە یەکەمەۆا دیاریێ کریەینێ. درێژەو فستیڤاڵەکەیەن چند کەسێو باسشا پێشکەش کەرد و کەسە یەکەمەکێ ڕازەکێو وێشا واناشاوە.
لێژنەو داوەراو فستیڤاڵەکەی ئی پەنج ڕازەشە پێسە یەکەمی دیاریێ کەردێ و خەڵاتی تایبەتو فستیڤاڵیشا پەنە بەخشیا:
1: شێرزاد و بێرزادە/ئیبراهیم یەعقوبی
2: جۆڵا / ڕەعنا ئیسماعیلی
3:شێتە و ژیرە/ سابیر عەزیزی
4: کوڵکنینێ/ سرۆیا خدری
5: حەوت بڕاڵە/ عەباس ڕەشیدی

پەیلوایو تۆ؟
Loading...
پەیلوای

هیچ پەیلوایە نەنریانەرە.