هەورامان‌نیوز:
دمابەدماو ئەوەسڕیەی هەژمارو دۆناڵد ترەمپی جە لاو کۆمپانیاکاو تویتەری و فەیسبووکی بە پاساوەو پەرەدای بە تندوتێژی جە لاو سەرکۆماریەو، ترەمپ ڕوەش ئاردێنە تەلگرامی. دۆناڵد ترەمپ تەمادارا، پ شێوە پتاوۆ چالاکیەکاو وێش و هەوڵەکاش پەی نەپڕچیای پەیوەندیش چەنی هاندەراش بەردەوامی دۆ پەنە. بەپاو نیشانەکا سات‌بەسات بە ئەنداماو پەسجەکەو ترەمپی تەلگرامەنە زیاد بۆ.
🔹ئەوەسڕیای هەژمارو سەرکۆمارو ئەمریکای جە لاو کۆمپانیاکاو تویتەری و فەیسبووکی و ...یەو بیەن بایسو ئانەیە کە ڕەخنە گنۆ سەرو ڕێسا و بنەماکاو دیموکراتیەتی و ئازادی ڕادەربڕینی ئەمریکانە و چند سەرۆکێو وڵاتا پێسە ئەڵمانیای و فەڕەنسای ئیرادشا چی کاریە گێرتەن و واتەنشا کۆمپانیاکێ پەیشا نیا ئازادیەکا بە کەیفو وێشا وەرتەسکێ کەراوە و مشیۆ یاسا چا بارەو بڕیار بدۆ نەک سەرپرسێ کۆمپانیاکا.