فەرهەنگ و هونەر

01:12 - 26/3/2021

هەواڵی فەرهەنگی

هەواڵی فەرهەنگی

ڕۆدیاروو یەکشەممەی ١٤٠٠/١/١ جە دەگاو تووتماریەنە مەراسموو ڕازنایەو مەزاروو نویسەروو گەورەو تاریخوو کوردەواری و هەورامانی مەرحووم مامۆسا عەبدۆڵلای شەیدای مەردۆخی لوا ڕاوە.                                                                                                                   دماو ١١٥ ساڵا جە فەوتوو نویسەرو و ئەدیب و پایەبەرزو هەورامانی مەرحووم عەبدۆللا شەیدای مەردۆخی نویسەرو کتێبوو سەلاتینوو هەورامانی،جە زیارەتەڵانوو دەگاو تووتماریەنە،(خەریک بێ ئاسار و سیماو ئی گڵکۆیە جە بەین بلۆ). بە هەمکاری و دلسۆزی خەڵکوو دەگێ، بنەماڵەو مەرحووم عەبدۆڵلا شەیدای مەردۆخی، لایەنگیراو فەرهەنگ و ئەدەبوو کوردەواری و هەورامانی، ئەنجۆمەنوو ڕۆجیاری،زەحمەتوو و تەلاشوو نەبڕیاوەو کاکە مۆختار ئیسلامی، دۆساو خامەو مامۆسا شەیدای، هۆگراو ئەدەب و فەرهەنگی... جە ڕاو ڕەسمێ خنجیلانەو پۆختە جە ڕاسەو نەفۆتیاو مەزار و گڵکۆ نویسەراو کوردەواری و هەورامانی، ئەشناسای فرەتەر بە کۆمەڵگای و ترۆقی بنەماو شناسنامە وەش کەردەی پەی مەزار و گۆڕەو نویسەرا، ڕاساو گەشەو مەکان و جایگایە فەرهەنگیەکاو کوردەواری، تێکەڵی خەڵکوو سەردەمی بە ویەردەێشاوە، ئەشناساو ئی مەکانە پیرۆزە فەرهەنگیا بە تۆریستی ... جە مەراسمێ بەرزوو شایستە لوا ڕاوە. هەرکام جە ئازیزا کاک مۆختار ئیسلامی سەرو هەرمانە ئەدەبی و فەرهەنکیەکاو مەرحووم عەبدۆڵلا شەیدای بە وردی باسێ تیڕو تەسەلش بەیان فەرماوا. شاعێرا کاک مەنسور سۆهرابی و کاک هاشم محەممەدی(بێدڵ) دەقی شێعریشا پێشکەش کەرد. سابیر عەزیزی جە بارەو جایگاو قەڵەمی و پلەو پایەو نویسەرا، جە گۆشەنیگاو مەعنەوی و ڕۆحی کۆمەڵگای، پێسە ناسنامەو نەتەوەی و کۆڵەکێ وێ بیەی باسێش ئاراستەو بەشدارا کەرد. جە کۆتایینە دەسوەشانەی تایبەت کریا چا کەسا کە یاریدەو و پشتیوانێ ماڵی ئی هەرمانێ بیەنێ. همێد هەن ئی جۆرە کارە فەرهەنگیێ ئێدامەشا بۆ و گۆڕەو پیرۆزەو نویسەراو کوردەواری و هەورامانی دایم بە ڕازیاوەیی و ڕەنگینی دیارەو ماندەگار مەنۆوە.     
                            

01:19 - 26/3/2021 تازە کریانۆ

پەیلوایو تۆ؟
Loading...
پەیلوای

هیچ پەیلوایە نەنریانەرە.