هەورامان نیوز
کامران سولتانی ، هاووڵاتیی کورد و خەڵکی بۆکان لە لایەن هێزە ئەمنییەکانی کۆماری ئیسلامی ئێران بە بەکارهێنانی توندوتیژی دەستبەسەر و بۆ شوێنێکی نادیار گواستراوە.
ڕۆژی سێشەممە ١٥ی ڕەبەزی ٢٧٢٥ (٧ی ئۆکتۆبەری ٢٠٢٥)، کامران سولتانی تەمەن ٤٥ساڵ و خەڵکی شاری بۆکان دەستبەسەر کرا.
بە وتەی سەرچاوەیەکی نیزیک لە بنەماڵەی کامران سولتانی، زیاتر لە بیست کەس لە هێزە ئەمنییەکان کە ئۆتۆمبیلەکانیان ژومارەی ئورمیە بووه هێرشیان کردۆتە سەر شوێنی کارەکەی و ناوبراویان دەستبەسەر کردووە.
ئەم هێزانه هاوکات لەگەڵ دەستبەسەرکردنی کامران سولتانی ، چونەتە ژوورەکەی و دەستیان بەسەر کامێرا ومێمۆری کامێراکەیدا گرتووە و لەگەڵ خۆیدا بردووە.
کامڕان سوڵتانی دوای دەستبەسەرکران بۆ شوێنێکی نادیار گواستراوەتەوە و تا ئێستاش لە سەر هۆکاری دەستبەسەرکران، شوێنی ڕاگرتن و چارەنووسی ناوبراو زانیارێییەک لەبەر دەستدا نییه.
سەرچاوە: Hengaw
س: hengaw.net
